Mateo 6:2 - AHYERƐLƐ KRONGRON

² Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Mateo 6:2 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 37:21

Bɔnefoɛ bebisa bosea a, bendua, nakoso teneneefoɛ de, bɛse anwumvoin, na bɛyɛ ayɛ.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 20:6

Mmeni pee nwa bɛ bɔbɔ bɛte paa, nakoso sona bɔ odi nahorɛ de, nwa yeɛ okonwu bie ɔ?

Nworɛ Dwirɛhanɛniɛ 11:2

Kyekyɛ nu ma nzoo anaa mmɔtwɛ po, ofikyɛ ɛnze edwirɛ tɛɛ bɔ ebiaa ɔbaasi aseɛ ye aso ɔ.

Yesaya 10:6

Maen bɔ benzuro Nyameɛ yeɛ masoma ye kyɛ ɔɔhwe bɛ so ɔ, mahyɛ ye kyɛ ɔɔhwe maen bɔ mafɛ ye so yaa piri paa ne so, kyɛ ɔɔfẽ ye nningyein ɔfa yɛ koɛ nu nzesadeɛ, ná otiatia bɛ so te kyɛ dwaaso nnɛterɛ.

Yesaya 58:7

Sona bɔ ɛhɔen ku ye ne, aso onni kyɛ ɛma ye w’aleɛ ne bie anaa? Aso onni kyɛ ɛfa ehianiɛ anwumvoinniɛ ɛkɔ w’awuro anaa? Yeɛ, sɛ enwu bɔ ye nwo la so a, aso onni kyɛ ɛma ye tena maa ɔkera anaa? Yeɛ afei, onni kyɛ ɛbɔ wɔ nwoniɛ bɔ ohia mmokalɛ ɔ atianuserɛ.

Yesaya 9:17

Ye sɔ ne ati, AWURADE nye ngɔgye bɛ mmerandeɛ nemɔ nwo, yeɛ ongonwu bɛ nyisiaa ne b’akunafoɛ mmrasua anwumvoin; ofikyɛ bɛ mukoraa benzuro Nyameɛ, bɛte bɔnefoɛ, na ebiala kekã ngwaseasɛm. Na ɛhemɔ amukoraa nu ne, AWURADE ahone andɔ nzue nu, na ɔtɛ dwɔso tia bɛ.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Mateo 15:7

Nyaatwomfoɛ! Odi sɔ kyɛ Yesaya hyɛle ngɔm fale ɛmɔ nwo kyɛ,

Mateo 16:3

Na ngyerɛmɔ de, ɛmɔnwa: ‘Mvrama kotu ɛnɛ, ofikyɛ ewienu ayɛ kɔɔ ne kusuu.’ Ɛmɔse kyɛbɔ besi bekyire ewienu dwirɛ bo ɔ, nakoso mmerɛ ne nwo nzɛngyerɛnneɛ de, ɛmɔngora nu kyire.]

Mateo 22:18

Nakoso Yesu nwuni b’adwenemmɔne ne, na obuale kyɛ, “Ɛmɔ, nyaatwomfoɛ! Nzu ati yeɛ ɛmɔbaatetɛ me noa ɔ?

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 23:6

Bekuro mbanyi bia wɔ ɛpoentolɛ bo, ɔne mbanyi bia wɔ nyianu sua mɔ nu,

Mateo 24:51

na ɔkɔpepɛ akoaa ne nu ahuronzi ahuronzi, ná wamaa wanya nyaatwomfoɛ bɛ kyɛfa ne bie; na berɛ yeɛ mmenia kosũ ná banwose bɛ gye ɔ.

Mateo 5:18

Nahorɛ nu, mekã mekyire ɛmɔ kyɛ, kɔpem kyɛ anwuro ne aseɛ kɔpɛ nu ɔ, mmeraa ne anu kaaba ko anaa kaaba pɔtrepɔɔ ko po ngofi nu, sana ye mukoraa awa nu koraka.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:3

Na wɔ de, sɛ ɛyɔ adɔeɛ a, nnɛma wɔ sa bɛen nwu bɔ wɔ sa famaa yɔ ɔ,

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 7:5

Nyaatwomniɛ! Di moa ye wɔ nye so mbuna ne koraka, na ɔkɔmaa ekonwu nikyee yé, na ahora aye baka sii bɔ ɔla eliɛma nye so ne.

Marko 12:39

ɔne mbanyi bia wɔ nyianu sua mɔ nu, ɔne mbanyi bia wɔ ɛpoentolɛ bo ɔ;

Marko 7:6

Na obuale bɛ kyɛ, “Odi sɔ kyɛ Yesaya hyɛle ɛmɔ, nyaatwomfoɛ nwo ngɔm ɔ, kyɛbɔ bahyerɛ ye kyɛ, ‘ ‘Maen he bele bɛ noa mbaen yeɛ bedi me ni ɔ, nakoso b’ahone de, ombingye me.

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Luka 11:43

“Ɛmɔ Farasiifoɛ, ɛmɔ yaakɔ! Ofikyɛ, mbanyi bia yeɛ ɛmɔkuro wɔ nyianu sua mɔ nu ɔ, ɔne kyɛ mmenia kobisa ɛmɔ ahye wɔ dwaaso ɔ.

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 12:56

Nyaatwomfoɛ! Ɛmɔkora bekyire aseɛ ne ewienu nzesãleɛ bo, nakoso nzu ati yeɛ ɛmɔngora bengyire mmerɛ ye anu bo ɔ?

Luka 13:15

Yeɛ Awurade buale ye kyɛ, “Nyaatwomfoɛ! Ɛmɔ nu nwa yeɛ ɔnzangye ye nandwie anaa ye afunum mvi nekaa bɔ odidi ɔ afofikyẽa, ná ɔmva ye ngɔ maa ɔngɔno nzue ɔ?

Luka 20:46

“Ɛ́mɔnea ɛmɔ nwo yé wɔ ahyerɛlɛfoɛ nemɔ anwo. Bɛ yeɛ bekuro ndaadeɛ ndendenn wuralɛ bɛnate, ɔne kyɛ mmenia kobisa bɛ ahye wɔ dwaaso ɔ, ɔne mbanyi bia wɔ nyianu sua mɔ nu, ɔne mbanyi bia wɔ ɛpoentolɛ bo ɔ;

Luka 6:24

“Nakoso ɛmɔ bɔ ɛmɔanya ɛmɔ nwo de, ɛmɔ yaakɔ! Ofikyɛ ɛmɔanya ɛmɔ aworakyekyerɛ dada!

Luka 6:42

Ɔkɔyɛ sɛɛ né ahora ahã ahyire eliɛma kyɛ, ‘Aliɛmaa, maa nye baka sii bɔ ɔla wɔ nye so ne mma wɔ, aberɛ bɔ wɔ bɔbɔ wɔ nye so mbuna de, ennwu ye ɔ?’ Wɔ, nyaatwomniɛ! Di moa ye mbuna bɔ ɔla wɔ bɔbɔ wɔ nye so ne, na ɔkɔmaa ekonwu nikyee yé, ná ahora aye baka sii bɔ ɔla eliɛma nye so ne.

Yohane 13:29

Ebiemɔ susuli kyɛ, Yudase yeɛ osie sikaabɔtɔ ne ati, yiti yeɛ ɔmaa Yesu sele ye kyɛ: Nningyein bɔ yɛkohia ye aluolue ne, kɔtɔ fa sie; anaakyɛ ɔɔyɛ ehiafoɛ adɔeɛ ɔ.

Yohane 5:41

“Membena animnyam memvi mmenia berɛ,

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

Yohane 7:18

Ebiala bɔ ɔbɔ ye ti anu dwudwo ne, ɔpena ye bɔbɔ ye animnyam; nakoso bɔ ɔpena animnyam ma bɔ ɔsomane ye nen, ye ole nahorɛniɛ ne, na ngondombo biala nne ye nu.

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 24:17

“Na afei afoɛ pee asi, mmale kyɛ mebaayɛ me maen adɔeɛ ná mebɔ afɔleɛ mema Nyameɛ.

Asomafoɛ 9:36

Né gyidiniɛ braa bie bɔ bɛfrɛ ye Tabita wɔ Yopa. (Hela dwudwolɛ nu, Tabita bo kyire Dɔkase, bɔ ye koso ye bo kyire wanzane). Braa he fale paayɛlɛ ne ehiafoɛ adɔeɛyɛlɛ yɛle ye adwuma.

Romanfoɛ 12:8

sɛ ɔte nguraenhyɛlɛ a, ɛmɔma yɛhyɛ. Sɛ ebie yɛ adɔeɛ a, maa ɔye ye kunu ɔyɛ; ebiala bɔ ɔnea mmenia so ne, maa ɔyere ye nwo; na bɔ ɔse anwumvoin ne, maa ɔte ye nyunu yɔ.

1 Korintofoɛ 13:3

Sɛ mefa me nwo nningyein mukoraa mekyɛ, na mefa me nipadua mema kyɛ bɛyera ye, na nnne ɔdɔ a, mennya mvasoɛ biala so.

Galatiafoɛ 2:10

Bɛsrɛle yɛ nikyee komapɛ, kyɛ yɛkaye ehiafoɛ; na né ɛhe te nikyee bɔ mekuro kyɛ meyɔ ɔ.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

1 Tɛsalonikafoɛ 2:6

Yanyɛ kyɛ yɛpena kuro sona nyunu animnyam, kyɛ ofi ɛmɔ berɛ oo, anaakyɛ ebiemɔ berɛ oo. Ahaa yɛkɔhora yɛkɔhyɛ kyɛ ɛmɔyɔ sɔ bɛma yɛ, ofikyɛ yɛte Kristo asomafoɛ.

1 Timoteo 6:18

Bɔ bɛ kɔkɔ kyɛ bɛ́yɔ bɔ ɔte paa ɔ, kyɛ bɛyɛ sikafoɛ wɔ nnwumaa paa nu, ná bɛye bɛ kunu bɛyɛ adɔeɛ,

Filemɔn 1:7

Aliɛmaa, ɔdɔ bɔ ele ye ne, wamaa yanya anigye ne nguraenhyɛlɛ pee, ofikyɛ ama anwoteefoɛ ne amukoraa bɛ wora akyekye.

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.

1 Samuel 15:30

Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”