Mateo 6:19 - AHYERƐLƐ KRONGRON

¹⁹ “Nnɛma ɛmɔboaboa agyapadeɛ noa bɛma bɛ nwo wɔ aseɛ ye aso, nekaa bɔ mvrɔlɔ di ná odi naakye, ná awuefoɛ bubu kɔ nu bekowua ne.

Mateo 6:19 Iomraidhean Croise

YOB NWOMAA NE 24:16

Awosii ba a, otofi sua terɛ nu tokuro, aleɛ kye koso a, ɔto ye nwo anoa nu, na ɔnze kyɛbɔ alehyeleɛ si te hyireinn ɔ.

YOB NWOMAA NE 31:24

“Sɛ mafa me wora mawura sikaa kɔkorɛ nu, ná mahã mahyire sikaa kɔkorɛ paa kyɛ, ‘ɛte m’anyelasoɛ;’

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Ɛksadɔso 22:2

Sɛ benwu kaka bɔ owuale ne kyɛ owwuli, ná mmom ɔwɔ ye berɛ a, sɛ nandwie ahɔ oo, afunum ahɔ oo, anaa boaen ahɔ oo, ɔsɛ kyɛ otua kerɛ mmɔhoɛ nyɔ.

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Anyandera 16:16

Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Mateo 19:21

Na Yesu sele ye kyɛ, “Sɛ ekuro kyɛ ɛyɛ pɛpɛɛpɛ a, ye de kɔ, ná kɔtɔne w’anwonyadeɛ, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Mateo 6:20

Na mmom ɛ́mɔboaboa ɛmɔ agyapadeɛ noa bésie nyameɛso, nekaa bɔ mvrɔlɔ nni, ná onni naakye, ná awuefoɛ mmubu ngɔ nu ngonwua ɔ.

Luka 12:21

Na sɔ ala yeɛ sona bɔ ɔboaboa agyapadeɛ noa ma ye nwo, nakoso olle anwonyadeɛ huu wɔ Nyameɛ nu ne ɔte ɔ.”

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 12:39

Na ohia kyɛ ɛmɔnwu kyɛ, sɛ awuro mene ne ɔse mmerɛ bɔ awueniɛ ne kɔwa a, [ahaa ɔkɔwɛne], ahaa ɔngɔma ongonya ate ngootu ye anoa bo.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Luka 18:24

Yesu nwuni kyɛ ye wora abɔ paa, na ɔhane kyɛ, “Ɔyɛ se ma bɛ bɔ banya bɛ nwo kyɛ bɛkɔhɔ Nyameɛ ahennie ne anu ɔ!

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”