Mateo 6:14 - AHYERƐLƐ KRONGRON

¹⁴ “Sɛ ɛmɔfa mmenia mvomsoɛ bɛkyɛ bɛ a, ɛmɔ Baba bɔ ɔwɔ nyameɛso ne koso kɔfa ɛmɔ deɛ kɔhyɛ ɛmɔ.

Mateo 6:14 Iomraidhean Croise

Anyandera 21:13

Ebiala bɔ mmenia bɔ bɛyɛ anwumvo ɔ besu bɛfrɛ ye a otuatua ye so ne, ye koso osũ frɛ a, ebiala ngɔtɛ ye so.

Mateo 5:7

“Bɛ bɔ benwu bɛ mmango anwumvoin ne banya saleɛ, ofikyɛ bɛ yeɛ bekonwu bɛ anwumvoin ɔ.

Mateo 6:12

Na fa yɛ mvomsoɛ kyɛ yɛ, kyɛbɔ yɛfa yɛkyɛ bɛ bɔ bɛfõ yɛ ne.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Marko 11:25

Na sɛ ɛmɔdwɔso begyina kyɛ ɛmɔbɔ mbaeɛ, ná sɛ ebie nwo dwirɛ wɔ ɛmɔ ti anu a, ɛ́mɔfa bɛhyɛ ye; amaa ɔnate so ɛmɔ Baba bɔ ɔwɔ nyameɛso ne koso wafa ɛmɔ mvomsoɛ wahyɛ ɛmɔ. [

Luka 6:37

“Nnɛma ɛmɔbua ndɛen, ná bammua ɛmɔ ndɛen; nnɛma ɛmɔbua foɛ, ná bammua ɛmɔ foɛ; ɛ́mɔfa (bɔne) bɛhyɛ, na bɛkɔfa bɛkɔhyɛ ɛmɔ.

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Kolosefoɛ 3:13

Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Yosua 22:15

Ɛbɔfoɛ nemɔ wale Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so, na bɛbɔle b’amaneɛ behyirele bɛ kyɛ,

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.