Mateo 6:13 - AHYERƐLƐ KRONGRON

¹³ Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Mateo 6:13 Iomraidhean Croise

Gyenesise 22:1

Ɛhemɔ asi ne, Nyameɛ sole Abraham neane. Ɔfrɛle ye kyɛ, “Abraham!” Na Abraham surole kyɛ, “Me ɛhe.”

1 Ahemvo 1:36

Yeɛ Yehoada awa Benaya buale Nana Dawide kyɛ, “Amen! Nana, me mene, AWURADE bɔ ɔte wɔ Nyameɛ ne, ɔ́ma ɔbra nu sɔ ala.

1 Aberɛso Dwirɛ 16:36

AWURADE Yisrael Nyameɛ ne, animnyam hã ye fi tete oodwu afebɔɔ!” Yeɛ mmenia ne amukoraa besele kyɛ, “Amen!” Na bɛyele AWURADE ayɛ.

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

1 Aberɛso Dwirɛ 4:10

Yabese sũ frɛle Yisrael Nyameɛ kyɛ, “Ao, ahaa né ayira me, ná amaa manya aseɛ piri; ná agyina me si, ná abɔ me nwo waen afi amaneɛ ne asane nu!” Na Nyameɛ yɔle ye abisadeɛ mane ye.

Edwein 10:16

AWURADE te hene afebɔɔ, na maen maen mɔ bɛ boso konua kofi ye aseɛ so.

Edwein 106:48

AWURADE Yisrael Nyameɛ ne, animnyam hã ye ofi tetetete bɔ ɔkwaadwu afebɔɔ ɔ! Ma maen ne amukoraa bɛhã kyɛ, “Amen.” Ɛ́mɔye AWURADE ayɛ!

Edwein 22:28

Ofikyɛ ahennie te AWURADE deɛ, na odi maen maen mɔ so hene.

Edwein 41:13

AWURADE Yisrael Nyameɛ ne, animnyam hã ye ofi tete bɔ ɔkwaadwu afebɔɔ! Amen ne Amen.

Edwein 47:2

Ofikyɛ AWURADE, Anwuro Anwuro Nyameɛ ne, ye nwo yɛ suro, ɔte ɛhene piri bɔ odi wiase amukoraa so ɔ.

Edwein 47:7

Ofikyɛ Nyameɛ te aseɛ ye amukoraa so Hene, ɛ́mɔfa ndeaseɛ bɛto ayɛyelɛ dwein.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 89:52

Animnyam hã AWURADE afebɔɔ, Amen! Amen!

Ɛksadɔso 15:18

AWURADE koli hene afebɔɔ.”

Anyandera 30:8

Ye bra mbaen mbaen ne nnakannaka fi me so kɔ dedeede, nnɛmaa medi hiaa, yeɛ nnɛmaa menya me nwo tam, na mmom, ma me me noa aleɛ bɔ mehia ɔ;

Yeremia 15:21

Ngɔpepɛ ngole wɔ ngofi bɔnefoɛ mɔ sa nu, na ngɔpɔ wɔ ngofi atianuserɛfoɛ bɛ sa nu.

Yeremia 28:6

Na ngɔmhyɛlɛniɛ Yeremia sele kyɛ, “Amen! AWURADE ɔ́yɔ ye sɔ ala; ngɔm bɔ ahyɛ ye, AWURADE ɔ́ma ɔbra nu, ná osa ɔfa AWURADE awuro berɛ nningyein, ɔne mmenia bɔ bahye bɛ nnure nemɔ amukoraa ofi Babilɔn ɔbra wa.

Daniel 4:25

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie, na nyameɛso bosue kɔloa wɔ. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Numeri 5:22

Afei nzue he bɔ ɛnomalɛ wɔ nu ye oogua wɔ kunu ma mogya tu wɔ ná ɛpɔ baa!’ Na odi kyɛ braa ne ka kyɛ, Amen, Amen.’

Mateo 26:41

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Mateo 5:37

Ɛ́mɔma ɛmɔ ‘Yoo’ yɛ ‘Yoo’ ná ɛmɔ ‘Daabi’ yɛ ‘Daabi.’ Ɛhe pa ye nwo a, bɔ ɛmɔkɔhã biala fi bɔne nu.

Mateo 6:10

W’ahennie ɔbra, Maa yɛyɔ w’apɛdeɛ wɔ aseɛ so, kyɛbɔ bɛyɔ ye wɔ nyameɛso ne.

Yohane 17:15

Menzrɛ wɔ kyɛ ɛye bɛ fi wiase, na mmom kyɛ: Bɔ bɛ nwo waen fi bɔnefoɛ ne sa nu.

1 Korintofoɛ 10:13

Nzɔhwɛ biala nne berɛ bɔ wato ɛmɔ bɔ sona nnwuni bie le ɔ. Nakoso ɔnate kyɛ Nyameɛ di nahorɛ ne ati, ɔngɔma ate ngɔma nzɔhwɛ bɔ ɔbo ɛmɔ anwoserɛ so ngɔto ɛmɔ. Na mmom, okohyire ɛmɔ atee bɔ ɛmɔkɔfa so bekɔnwati bekofi nzɔhwɛ ne anu ɔ, amaa ɛmɔahora bagyina ye noa.

1 Korintofoɛ 14:16

Na sɛ ɛbɔ asennaa mbaeɛ wɔ sunzum nu a, ɔkɔyɛ sɛɛ né ebie bɔ ɔnde ye bo ɔ wasuro w’asennaa mbaeɛ ne aso “Amen”, wɔ aberɛ bɔ ɔnze bɔ ɛkã ɔ?

2 Korintofoɛ 1:20

Ofikyɛ Nyameɛ bɔhyɛ bɔ ɔwɔ ye nu amukoraa te “Yoo.” Na ɔnate sɔ ne ati, ye so yeɛ yɛfa yɛkã “Amen” yɛhyɛ Nyameɛ animnyam ɔ.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

2 Tɛsalonika 3:3

Nakoso Awurade di nahorɛ; ɔkɔma ɛmɔ kogyina pindinn, ná wabɔ ɛmɔ nwo waen wafi bɔnefoɛ ne sa nu.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

Hebrifoɛ 11:36

Beguale ebiemɔ nyunu ase, na besa befini bɛ mbire, yeɛ ebiemɔ wora bɛbɔle bɛ panwu bɛfale bɛ beguale kuku nu.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 19:1

Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;

Nyekyire 19:4

Na mbanyi aburanyɔ ne nna nemɔ ne abɔdeɛ ateasefoɛ nna nemɔ bɛfale bɛ nyunu bebutubutuli berɛ bɛsɔnene Nyameɛ bɔ ɔte ahennie bia ne aso ne, na bɛhane kyɛ, “Amen, Haleluya!”

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe:

Nyekyire 5:13

Na abɔdeɛ biala bɔ ɔwɔ nyameɛso ne aseɛ so ne aseɛ bo ne ɛpo nu ne bɔ ɔwɔ bɛ nu amukoraa, ndele kyɛ bɛkã kyɛ, “Saleɛ ne anidie ne animnyam ne tumi ɔyɛ bɔ ɔte ahennie bia ne aso ne ɔne Boaen Ba ne deɛ afebɔɔ.”