Mateo 6:12 - AHYERƐLƐ KRONGRON

¹² Na fa yɛ mvomsoɛ kyɛ yɛ, kyɛbɔ yɛfa yɛkyɛ bɛ bɔ bɛfõ yɛ ne.

Mateo 6:12 Iomraidhean Croise

1 Ahemvo 8:30

Sɛ w’akoaa ne wɔ maen Yisrael bɛfa bɛ nye bekyire sua ye bɛbɔ mbaeɛ a, tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ.

1 Ahemvo 8:34

ye de tie bɛ wɔ nyameɛso, fa wɔ maen Yisrael bɛ bɔne kyɛ bɛ, ná aseɛ bɔ ɛfa mane bɛ nana mɔ ne, sa fa bɛ bra so.

1 Ahemvo 8:39

ye de tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ. Wɔ ngome yeɛ ɛse sona biala ye ti anu dwirɛ ɔ. Yɔ ma ebiala kyɛbɔ ɔfata ye ɔ, ofikyɛ ɛse kuro sona biala ti anu dwirɛ,

1 Ahemvo 8:50

Na wɔ mmenia bɔ bayɔ bɔne batia wɔ ne, bɔne ne b’amumuyɛɛ amukoraa bɔ bayɔ batia wɔ ne, fa kyɛ bɛ. Ma mmenia bɔ bahye bɛ nnure ne benwu bɛ anwumvoin, amaa ɔnate so banwu bɛ anwumvoin.

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 32:1

Sona bɔ Nyameɛ afa ye mmeraatolɛ wahyɛ ye, ná wakyikyi ye bɔne ne, onya saleɛ.

Ɛksadɔso 34:7

bɔ ye dɔ bɔ onni ngasi wɔ berɛ ma mmenia apee apee, bɔ ɔfa amumuyɛɛ ne mmeraatolɛ ne bɔne kyɛ ɔ. Nakoso ɔmma sona bɔ odi fɔ ne ɔmva ye nwo tɔtorɔtɔɔ, na ɔprapra seɛ mɔ bɔne nwo asohwenɛ gua bɛ mma mɔ ne bɛ nnomaa mɔ so, maa okodwu aworɛ ndoatoasoɛ nza ne nna so.”

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Daniel 9:19

O AWURADE, tie; O AWURADE, fa yɛ bɔne kyɛ yɛ; O AWURADE, tie yɛ ná boka yɛ; nnɛkyɛ, o me Nyameɛ, ɔnate wɔ bɔbɔ wɔ ti, ofikyɛ wɔ dumaa yeɛ ɔla wɔ kuro ne ne wɔ maen ne aso ɔ.”

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Mateo 9:2

Eh, bɛfale bubuaniɛ bie bɔ ɔla bɛen so ɔ bɛwale ye berɛ, na Yesu nwuni bɛ gyidie nen, osele bubuaniɛ ne kyɛ, “Mma, ma w’ahone tɔ wɔ kunu! Bafa wɔ bɔne bahyɛ wɔ.”

Marko 11:25

Na sɛ ɛmɔdwɔso begyina kyɛ ɛmɔbɔ mbaeɛ, ná sɛ ebie nwo dwirɛ wɔ ɛmɔ ti anu a, ɛ́mɔfa bɛhyɛ ye; amaa ɔnate so ɛmɔ Baba bɔ ɔwɔ nyameɛso ne koso wafa ɛmɔ mvomsoɛ wahyɛ ɛmɔ. [

Luka 11:4

ná fa yɛ bɔne kyɛ yɛ, ofikyɛ yɛ koso yɛfa ebiala bɔ ɔfõ yɛ ɔ ye deɛ yɛkyɛ ye. Na nnɛfa yɛ kɔ nzɔhwɛ nu.’ ”

Luka 13:4

Anaa mmenia buru ne mmɔtwɛ bɔ Siloam abandenden bu guale bɛ so huni bɛ ne, ɛmɔdwene kyɛ né bɛte bɔnefoɛ bɛtra mmenia amukoraa bɔ bɛte Yerusalem anaa?

Luka 6:37

“Nnɛma ɛmɔbua ndɛen, ná bammua ɛmɔ ndɛen; nnɛma ɛmɔbua foɛ, ná bammua ɛmɔ foɛ; ɛ́mɔfa (bɔne) bɛhyɛ, na bɛkɔfa bɛkɔhyɛ ɛmɔ.

Asomafoɛ 13:38

Ɔnate sɔ ne ati, aliɛmaa mɔ, yɛma ɛmɔnwu ye kyɛ ɔnate Yesu so yeɛ bɛbɔ bɔnefakyɛ dwirɛ ne dawure bekyire ɛmɔ ye;

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Kolosefoɛ 3:13

Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.