Mateo 6:1 - AHYERƐLƐ KRONGRON

¹ “Ɛ́mɔnea yé ná ɛmɔanyɔ ɛmɔ tenenee yɔleɛ wɔ mmenia nyunu, kyɛbɔ ɔkɔyɛ bɔ bekonwu ɛmɔ ɔ. Ɔba ye sɔ a, ɛmɔngonya akatuaa biala ngofi ɛmɔ Baba bɔ ɔwɔ nyameɛso ne berɛ.

Mateo 6:1 Iomraidhean Croise

2 Ahemvo 10:16

Yeɛ Yehu hane kyɛ, “Maa yɛhɔ kɔnea kyɛbɔ matu me nwo masie berɛ mama AWURADE ɔ.” Yiti ɔmane Yehonadabo tenane ye teaseɛnam ne anu bie.

2 Ahemvo 10:31

Nakoso Yehu wanni AWURADE Yisrael Nyameɛ mmeraa ne aso nahorɛ nu. Yeɛ Yeroboam bɔne bɔ ɔyɔle, bɔ ɔnate so ɔhwehwene Yisrael hɔle bɔne nu ne, wandwe ye nwo wamvi ye nwo.

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Sakaria 13:4

Sɔ kyẽa ne, ngɔmhyɛlɛniɛ biala hyɛ ngɔm a, ye nyunu kogua ase wɔ ye nyekyire nwo, yeɛ bengowura enwiaa ataadeɛ aguasoɛ ngɔfa ngɔlakalaka mmenia.

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:6

Yeɛ Yesu sele bɛ kyɛ, “Ɛ́mɔnea yé; ɛ́mɔnea ɛmɔ nwo yé wɔ Farasiifoɛ ne Sadusiifoɛ mɔle harewaa nwo!”

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

Mateo 5:46

Na sɛ bɛ bɔ bekuro ɛmɔ dwirɛ yeɛ ɛmɔkuro bɛ dwirɛ de a, ye de nzu akatuaa yeɛ ɛmɔkonya ɔ? Ɛtoɔdidelɛfoɛ po, aso nna sɔ ala yeɛ bɛyɔ ɔ?

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:9

Yiti sɔaa yeɛ ɛ́mɔbɔ mbaeɛ: ‘Yɛ Baba bɔ ɛwɔ nyameɛso ɔ, Wɔ dumaa nwo te.

Marko 8:15

Na Yesu bɔle bɛ kɔkɔ kyɛ, “Ɛ́mɔnea yé, ɛ́mɔnea ɛmɔ nwo yé wɔ Farasiifoɛ mɔle harewaa ne Herode mɔle harewaa nwo.”

Luka 11:35

Yiti nea yé né kanea bɔ ɔwɔ wɔ nu ne wangakyi awosii.

Luka 12:1

Sɔ mmerɛ ne, né mmenia apee apee bahyere so bɔ betiatia bɛ nwo so ɔ. Na Yesu hyɛle ye bo lili moa sele ye asuafoɛ nemɔ kyɛ, “Ɛ́mɔnea ɛmɔ nwo yé wɔ Farasiifoɛ mɔle harewaa bɔ ye ole nyaatwomyɛlɛ ne anwo.

Luka 12:15

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Yohane 12:43

ofikyɛ né bekuro mmenia nyunu animnyam bɛtra Nyameɛ nyunu animnyam.

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

Asomafoɛ 3:12

Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

Galatiafoɛ 6:12

Mmenia bɔ bɛpena anwoɔnaen nu animnyam nen, bɛ yeɛ bɛhyɛ ɛmɔ kyɛ ɛmɔpɛ ɛmɔ bienzua ɔ. Na bɛyɔ sɔ kyɛbɔ Kristo mmeamudua ne ati mmenia ngɔtane bɛ nye ɔ.

Deuteronomi 24:13

Sɛ eyia kwaatɔ a, fa awowaa nikyee ne sá kɔma ye maa onya ye tena ogurɔ ye nwo, ná óyira wɔ. Na ɔkɔyɛ yɔleɛ bɔ ɔtengyɛ wɔ AWURADE wɔ Nyameɛ nyunu kɔma wɔ.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

Hebrifoɛ 2:1

Ye sɔ ne ati, odi kyɛ yɛsɔ nahorɛ dwirɛ bɔ yate ne anu yé ná yammini.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.