Mateo 5:7 - AHYERƐLƐ KRONGRON

⁷ “Bɛ bɔ benwu bɛ mmango anwumvoin ne banya saleɛ, ofikyɛ bɛ yeɛ bekonwu bɛ anwumvoin ɔ.

Mateo 5:7 Iomraidhean Croise

2 Samuel 17:28

bɛfale mba ne ayaa mɔ, ngukue; yeɛ afei ayuo, atokoɔ, esam, ngyeweɛ, aluaa, ngongo,

2 Samuel 22:26

Sona bɔ odi nahorɛ ma wɔ ne, wɔ wora edi nahorɛ ma ye, yeɛ bɔ mvomsoɛ nne ye nwo ne, wɔ wora ɛmaa onwu kyɛ mvomsoɛ nne wɔ nwo.

Edwein 112:4

Kanea pukye awosii nu ma teneneeniɛ; ɔdo mmenia, ɔse anwumvoin, yeɛ ɔtengyɛ.

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 18:25

Sona bɔ odi nahorɛ ma wɔ ne, wɔ wora edi nahorɛ ma ye, yeɛ sona bɔ mvomsoɛ nne ye nwo ne, wɔ wora ɛmaa onwu kyɛ mvomsoɛ nne wɔ nwo.

Edwein 37:26

Onwu anwumvoin daa, na ofia ye kunu fa nikyee fɛmo, na ye boso ama benya saleɛ.

Anyandera 11:17

Sona bɔ ɔyɛ paa ne, ɔyɛ paa ma ye kra, nakoso atianuserɛniɛ de, ɔyɛ ye bɔbɔ ye nwo.

Anyandera 11:25

Sona bɔ ɔtaa kyɛ nikyee ne, okonya ye nwo, yeɛ sona bɔ ɔboka ebiemɔ maa bɛyɛ yee ne, ye koso ɔkɔyɛ yee.

Anyandera 14:21

Bɔ obu ye mmango animtia ne, ɔte bɔne, nakoso bɔ ɔdo sona bɔ ɔyɛ anwumvo ne, onya saleɛ.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Yesaya 57:1

Teneneeniɛ wu, na ebiala kunu nde ye, bɛpɛ anwoteefoɛ ngoa so bɔ ebiala nde ye bo ɔ. Ofikyɛ bɛpɛ teneneeniɛ ngoa so kyɛbɔ ɔkɔyɛ bɔ edwirɛ tɛɛ bɔ ɔbaawa ne ɔngɔto ye ɔ.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Hosea 2:1

Ɛmɔhã behyire ɛmɔ aliɛma mmienzua mɔ kyɛ, “Ami” yeɛ ɛmɔ aliɛma mmrasua mɔ kyɛ, “Ruhama.”

Hosea 2:23

Ngolua ye ngɔma me nwo wɔ aseɛ ne aso. Ngonwu bɔ mannwu ye anwumvoin ne anwumvoin, na ngose bɔ ɔtte me maen ne kyɛ, ‘Ɛte me maen,’ na bɛ koso bɛkɔhã kyɛ, ‘Ɛte me Nyameɛ.’ ”

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Marko 11:25

Na sɛ ɛmɔdwɔso begyina kyɛ ɛmɔbɔ mbaeɛ, ná sɛ ebie nwo dwirɛ wɔ ɛmɔ ti anu a, ɛ́mɔfa bɛhyɛ ye; amaa ɔnate so ɛmɔ Baba bɔ ɔwɔ nyameɛso ne koso wafa ɛmɔ mvomsoɛ wahyɛ ɛmɔ. [

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Romanfoɛ 11:30

Na kyɛbɔ ɛmɔ koso mmerɛ bie ɛmɔanne Nyameɛ banni, nakoso afei de, ɔnate elelɛ bɔ banni ne aso wanwu ɛmɔ anwumvoin nen,

1 Korintofoɛ 7:25

Afei, ɔfa mmabunu nwo ne de, nnyane ahyɛdeɛ biala mmvili Awurade berɛ, nakoso mekyire m’adwene kyɛ ebie bɔ Awurade anwu ye anwumvoin ti ɔ́kã nahorɛ ɔ.

2 Korintofoɛ 4:1

Ye sɔ ti, kyɛ Nyameɛ wanwu yɛ anwumvoin wafa ɛsom he wawura yɛ sa ye, yɛngɔpa aba.

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

1 Timoteo 1:16

Nakoso ɛhe ati yeɛ onwuni me anwunvoin ɔ, kyɛ me bɔ nni moa ne anu, Yesu Kristo kɔla ye aboterɛ amukoraa ali maa ɔkɔyɛ nhwɛsoɛ kɔma bɛ bɔ bekole ye bekoli bɛkɔhɔ daa ngoa nu ne.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

1 Petro 2:10

Daa ne de, né ahaa ɛmɔtte maen, nakoso afei de, ɛmɔte Nyameɛ maen; daa ne de, né onnwuni ɛmɔ anwumvoin, nakoso afei de, wanwu ɛmɔ anwumvoin.