Mateo 5:5 - AHYERƐLƐ KRONGRON

⁵ “Anwobrɛaseɛfoɛ banya saleɛ, ofikyɛ bɛ yeɛ bekonya aseɛ ne maa ɔkɔyɛ b’agyapadeɛ ɔ.

Mateo 5:5 Iomraidhean Croise

Edwein 147:6

AWURADE ma anwobrɛaseɛfoɛ so, nakoso bɔnefoɛ de, ofindi ye to ase.

Edwein 149:4

Ofikyɛ AWURADE nye gye ye maen nwo, na ɔfa ngoalelɛ ɔbɔ anwobrɛaseɛfoɛ abotire.

Edwein 22:26

Anwobrɛaseɛfoɛ bekodidi bɛkɔma bɛ ko koyi; bɛ bɔ bɛpena AWURADE si atee ne, bɛ yeɛ bɛkɔye ye ayɛ ɔ. Nyameɛ ɔ́ma ɛ́mɔnya anika afebɔɔ!

Edwein 25:13

Ye kra kɔtena asomdwee nu, na ye boso ama konya aseɛ ne maa ɔkɔyɛ b’agyapadeɛ.

Edwein 25:9

Odi anwobrɛaseɛfoɛ nyunu maa bɛfa tenenee nu, na okyirekyire anwobrɛaseɛfoɛ maa bɛfa ye atee so.

Edwein 37:11

Nakoso anwobrɛaseɛfoɛ bɛ sa kɔhã aseɛ ne; ɔnate asomdwee kandinga ne ati, bɛ nye kɔgye.

Edwein 37:22

Ofikyɛ bɛ bɔ AWURADE ayira bɛ ne, bɛ yeɛ bɛ sa kɔhã aseɛ ne ɔ; nakoso bɛ bɔ wanoma bɛ ne de, bɛ boso konua.

Edwein 37:29

Teneneefoɛ bɛ sa kɔhã aseɛ ne, na bɛkɔtena so afebɔɔ.

Edwein 37:34

Ma wɔ nye la AWURADE so, ná nate ye atee so, na ɔkɔpagya wɔ maa aseɛ ne kɔyɛ w’agyapadeɛ; na wɔ nye konwu kyɛbɔ bɔnefoɛ bɛ boso onua ɔ.

Edwein 37:9

Ofikyɛ bekonua bɔnefoɛ bɛ boso, nakoso bɛ bɔ bɛ nye la AWURADE so ne de, bɛ sa kɔhã aseɛ ne.

Edwein 69:32

Anwobrɛaseɛfoɛ bekonwu ye na bɛ nye kɔgye; ɛmɔ bɔ ɛmɔpena Nyameɛ si atee ne, ɛ́mɔma ɛmɔ wora ɔ́kyekye.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yesaya 29:19

Na mmenia bɔ bedwo ne, bekonya AWURADE nu anika pee, na mmenia nu ehiafoɛ bekoli ahurusi wɔ Yisrael Krongronniɛ ne anu.

Yesaya 60:21

Wɔ mmenia ne amukoraa bɛkɔyɛ teneneefoɛ, bɛkɔfa aseɛ ne bɛkɔyɛ bɛ deɛ afebɔɔ, bɛte bakaa bɔ malua bɔ wafefɛ ɔ, me sa noa adwuma bɔ ɔhyɛ me animnyam ɔ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Sefania 2:3

Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.

Numeri 12:3

Né Mose odwo tra sona biala bɔ ɔwɔ aseɛ ye aso ɔ.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Mateo 21:5

“Ɛmɔhã behyire Sion awa brasua ne kyɛ: Nea, wɔ hene ɔ́ba wɔ berɛ, odwo, na ɔte afunum so, ɔne afunum akrɔngrɔma so, bɔ ɔte afunum beleɛ ɔ.”

Romanfoɛ 4:13

Bɔhyɛ bɔ bɛfa bɛmane Abraham ne ye bosofoɛ kyɛ ewiase kɔyɛ bɛ deɛ nen, sɔ bɔhyɛ ne wamva mmeraa ne aso yeɛ ɔwale ɔ, na mmom ɔnate gyidie nwo tenenee so.

Galatiafoɛ 5:23

anwobrɛaseɛ, anwohyɛsoɛ. Mmeraa biala nne berɛ bɔ ɔko tia ɛhemɔ ɔ.

Ɛfesofoɛ 4:2

anwobrɛaseɛ ne awiɛmvoɛyɛlɛ amukoraati nu, aboterɛ nu, ná ɛmɔhurohuro ebiala dwirɛ kyɛbɔ ebiala te ɔ wɔ ɔdɔ nu;

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

Tito 3:2

kyɛ, nnɛmaa bɛkã ebiala nwo dwirɛ tɛɛ, nnɛmaa bɛyɛ tuturefoɛ; na mmom bédwo bɛ nwo ase, ná bɛfa anidie bɔ odi mu ɔ bɛma mmenia mukoraa.

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.

Yakobo 3:13

Ɛmɔ nu nwa yeɛ ɔte nworɛniɛ ne nimdeɛniɛ ɔ? Maa ɔfa bra paa ohyire ye nnwumaa wɔ anwobrɛaseɛ bɔ nworɛ wɔ nu ɔ nu.

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.

1 Petro 3:4

na mmom ɛ́mɔma ɔyɛ ahone nu nikyee bɔ anyeɛ nnwu ye, sunzum bɔ odwo, ɔbrɛ ye nwo ase, nikyee bɔ ɔmborɔ, bɔ ɔte nikyee nyɔboɛserɛ wɔ Nyameɛ nyunu ɔ.