Mateo 5:48 - AHYERƐLƐ KRONGRON

⁴⁸ Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Mateo 5:48 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

2 Samuel 22:31

Sɔ Nyameɛ he, ye atee tengyɛ, AWURADE bɔhyɛ te nahorɛ, na ebiala bɔ ɔbɔ ye nwo waen wɔ Nyameɛ nu ne, Nyameɛ te ye akokyɛm.

Edwein 37:37

Hyɛ sona bɔ ye bra te sannwuu ɔ nzorɛ, ná nea teneneeniɛ, ofikyɛ sɔ sona ne, ye ayieleɛ te asomdwee.

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 19:2

“Ka kyire Yisrael maen ne amukoraati kyɛ, Ɛ́mɔyɛ krongron ofikyɛ me AWURADE, ɛmɔ Nyameɛ, nde krongron.

Lewitikɔso 20:26

Ɛ́mɔyɛ krongron bɛ́ma me, ofikyɛ me AWURADE, nde krongron, na maye ɛmɔ masie ahameɛ mafi maen ngaa nemɔ anu mayɛ me deɛ.

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Mateo 5:47

Na sɛ ɛmɔ aliɛma mɔ ngome yeɛ ɛmɔbisa bɛ ahye a, nzu yeɛ ɛmɔayɔ maa wabo so ɔ? Ewiasefoɛ po, aso nna sɔ ala yeɛ bɛyɔ ɔ?

Luka 6:36

Yiti ɛ́mɔnwu anwumvoin, kyɛbɔ ɛmɔ Baba koso onwu anwumvoin ne.

Luka 6:40

Suaniɛ ndra ye kyerɛkyerɛniɛ, nakoso ebiala bɔ bahyire ye nikyee maa wanwu ye yé ne, ɔkɔyɛ kyɛ ye kyerɛkyerɛniɛ ala.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

2 Korintofoɛ 13:9

Na sɛ yɛyɛ mmerɛ, na ɛmɔ de ɛmɔyɛ se a, né yɛ nye agye; na yɛ mbaeɛ ole kyɛ ɛmɔkoli mu ɔ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Ɛfesofoɛ 3:1

Ɔnate ɛhe ati, me Pɔɔlo, nde Kristo Yesu kukununiɛ mema ɛmɔ Amaenmaensofoɛ.

Deuteronomi 18:13

Di nahorɛ turoloo ma AWURADE wɔ Nyameɛ.

Deuteronomi 27:10

Yiti tie AWURADE wɔ Nyameɛ dwirɛ, ná di ye mmeraa dwirɛ ne ye ahyɛdeɛ bɔ mehyehyɛ mema wɔ ɛnɛ ye aso.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

Yakobo 1:4

Ɛ́mɔma ɛmɔ animia ne ɔyɔ ye adwuma yie pɛpɛɛpɛ, amaa ɛmɔali mu bɔkɔɔ bɔ siitɔlɛ biala nne ɛmɔ nu ɔ.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.