Mateo 5:39 - AHYERƐLƐ KRONGRON

³⁹ Nakoso me de, mekã mekyire ɛmɔ kyɛ, nnɛma ɛmɔfa bɔne betua ebie bɔ wayɔ ɛmɔ bɔne ɔ so kerɛ. Sɛ ebie pakye wɔ nye famaa so a, kakyi bɛen ne koso ma ye.

Mateo 5:39 Iomraidhean Croise

1 Ahemvo 22:24

Yeɛ Kenaana awa Sedekia ɔwale Mikaya nwo berɛ ɔɔbɔle ye so anu, na obisale kyɛ, “Aso AWURADE Sunzum kosa me nwo kodwudwo kohyire wɔ?”

YOB NWOMAA NE 16:10

Batu bɛ noa bagua me so, babobɔ me so anu bagoro me nwo, na bɛboa bɛ noa bɛko betia me.

Anyandera 20:22

Nnɛkã kyɛ, “Ngɔfa bɔne ngotua bɔne kerɛ.” Na mmom fa wura AWURADE sa, na ɔkɔboka wɔ.

Anyandera 24:29

Nnɛkã kyɛ, “Edwirɛ bɔ wafa wali me ne, me koso ngɔfa bie ngoli ye, bɔ wayɔ ne, ngɔyɔ bie ngotua ye so.”

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Awuye 3:30

Odi kyɛ ɔkakyi ye so taa nu ma sona bɔ ɔkɔbɔ ye so anu ne, ná ɔmaa bɛbɔ ye alapaa pasaa.

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Mika 5:1

Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Mateo 5:40

Sɛ ebie sama wɔ kyɛ ode w’ataadeɛ bɔ ɔwɔ ye bo ne a, maa ɔfa w’ataadeɛ aguasoɛ ne ɔboka so.

Luka 22:64

Bɛkyekyele ye nye, na bebisale ye kyɛ, “Hyɛ ngɔm! Nwa yeɛ ɔbɔle wɔ ne?”

Luka 6:7

Né ahyerɛlɛfoɛ ne Farasiifoɛ nemɔ bɛtetɛ Yesu, sɛ ebiaa ɔkɔsa anwonyerɛ afofikyẽa a, ná banya dwirɛ bafa babɔ ye kwaadu.

Yohane 18:23

Na Yesu buale ye kyɛ, “Sɛ mahã edwirɛ tɛɛ a, kã ma ebiala ɔte bie. Nakoso sɛ edwirɛ paa yeɛ mahã de a, nzu ati yeɛ ɛbɔ me ɔ?”

1 Korintofoɛ 6:7

Manzoen bɔ ɛmɔ ne bɛ nwo twe ne kyire kyɛ ɛmɔali ngoguo. Nzu ati yeɛ ɛmɔmma bɛnyɔ ɛmɔ tɛɛ mmom ɔ? Nzu ati yeɛ ɛmɔmma benzisi ɛmɔ mmom ɔ?

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.

Hebrifoɛ 12:4

Na apereapereɛ bɔ ɛmɔ ne bɔne bedi ye, ɛmɔnnya bɛffale ɛmɔ ngoa bɛppɛle so.

Yakobo 5:6

Ɛmɔabua teneneeniɛ foɛ bahũ ye, wɔ aberɛ bɔ onzi ɛmɔ ate ɔ.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.