Mateo 5:37 - AHYERƐLƐ KRONGRON

³⁷ Ɛ́mɔma ɛmɔ ‘Yoo’ yɛ ‘Yoo’ ná ɛmɔ ‘Daabi’ yɛ ‘Daabi.’ Ɛhe pa ye nwo a, bɔ ɛmɔkɔhã biala fi bɔne nu.

Mateo 5:37 Iomraidhean Croise

Mateo 13:19

Ebiala bɔ ɔte ahennie ne nwo dwirɛ, ná ɔnde ye bo nen, bɔnefoɛ ne ba ɔbafoti bɔ balua ye wɔ ye ahone nu ne ɔkɔ; na ɛhe gyi berɛ ma mmakaammaa bɔ beguale atee noa ne.

Mateo 13:38

eboo ne ole ewiase, na mmakaammaa paa ne ole ahennie ne mma; yeɛ ngyɛngyɛma ne ole bɔnefoɛ ne mma.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Mateo 5:36

Nnɛma ɛmɔfa ɛmɔ ti bɛta ndaen, ɔnate kyɛ ɛmɔngɔhora tire nwiaa komapɛ po bire anaa fufue yɔ.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Yohane 17:15

Menzrɛ wɔ kyɛ ɛye bɛ fi wiase, na mmom kyɛ: Bɔ bɛ nwo waen fi bɔnefoɛ ne sa nu.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Ɛfesofoɛ 6:16

Na ɛhe amukoraa si ne, ɛ́mɔfa gyidie akokyɛm bétira, na ye yeɛ ɛmɔkɔhora bɛkɔfa bekonua bɔnefoɛ n’agyaen mɔ bɔ begye ne amukoraa ɔ.

Kolosefoɛ 3:9

Nnɛma ɛmɔpepɛ ngondombo bekyirekyire ɛmɔ nwo, ofikyɛ ɛmɔagyi ɛmɔ suban daa ne, ɔne ye yɔleɛ tɛɛ ne bagua,

Kolosefoɛ 4:6

Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

2 Tɛsalonika 3:3

Nakoso Awurade di nahorɛ; ɔkɔma ɛmɔ kogyina pindinn, ná wabɔ ɛmɔ nwo waen wafi bɔnefoɛ ne sa nu.

Yakobo 5:12

Aliɛmaa mɔ, ɛhe amukoraa asi ne, nnɛma ɛmɔta ndaen! Nnɛma ɛmɔfa nyameɛso anaa aseɛ anaa nikyee biala bɛta ndaen. Na mmom ɛ́mɔma ɛmɔ “Yoo” yɛ yoo, ná ɛmɔ “Daabi” yɛ daabi, ná bammua ɛmɔ foɛ.

1 Yohane 2:13

Ngya mɔ, mekyerɛ he mebrɛ ɛmɔ, ofikyɛ ɛmɔse bɔ ahyɛaseɛ ne né ɔwɔ berɛ ne. Mmerandeɛ mɔ, mekyerɛ he mebrɛ ɛmɔ, ofikyɛ ɛmɔali bɔnefoɛ ne so ngonim. Ngwadaa mɔ koso, mekyerɛ he mebrɛ ɛmɔ, ofikyɛ ɛmɔse Baba ne.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.

1 Yohane 5:18

Yɛse kyɛ ebiala bɔ Nyameɛ awo ye ne, ɔnyɔ bɔne; na mmom bɔ Nyameɛ awo ye ne, ɔnea ye nwo so, na bɔnefoɛ ne mva ye sa nga ye.