Mateo 5:34 - AHYERƐLƐ KRONGRON

³⁴ Na me de, mekã mekyire ɛmɔ kyɛ, Nnɛma ɛmɔta ndaen koraa. Nnɛma ɛmɔfa anwuro bɛta ndaen, ɔnate kyɛ ɔte Nyameɛ ahennie bia,

Mateo 5:34 Iomraidhean Croise

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Nworɛ Dwirɛhanɛniɛ 9:2

ofikyɛ ayieleɛ komapɛ ne ala yeɛ ɔla berɛ ma bɛ mukoraa ɔ: teneneeniɛ ne bɔnefoɛ, sona paa ne sona bɔ ɔtte mayee ɔ, sona bɔ ye nwo te ne bɔ ye nwo nde ɔ, bɔ ɔbɔ afɔleɛ ne bɔ ɔmmɔ afɔleɛ ɔ. Sona paa ne amumuyɛɛniɛ b’ayieleɛ te ko, yeɛ bɔ ɔta ndaen ne bɔ osuro ndaentalɛ koso b’ayieleɛ te ko.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?

Asomafoɛ 7:49

‘Nyameɛso te m’ahennie bia, yeɛ aseɛ te me gya ndiasoɛ. Nzikyɛ sua koraa yeɛ ɛmɔkosi bɛkɔma me ɔ? Awurade noa dwirɛ ɛne, Anaakyɛ nisua yeɛ ngɔtena ngole me nwome ɔ?

Yakobo 5:12

Aliɛmaa mɔ, ɛhe amukoraa asi ne, nnɛma ɛmɔta ndaen! Nnɛma ɛmɔfa nyameɛso anaa aseɛ anaa nikyee biala bɛta ndaen. Na mmom ɛ́mɔma ɛmɔ “Yoo” yɛ yoo, ná ɛmɔ “Daabi” yɛ daabi, ná bammua ɛmɔ foɛ.