Mateo 5:28 - AHYERƐLƐ KRONGRON

²⁸ Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Mateo 5:28 Iomraidhean Croise

Gyenesise 34:2

Hiwiniɛ Hamɔ bɔ ɔte aseɛ ne aso hene ne, ɔwa Sɛkem nwuni Dina, na ɔhyɛle ye ɔne ye bɛlale.

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

YOB NWOMAA NE 31:1

“Me ne me nye yayɛ apam, nzu ati yeɛ brasua bɔ onnwuni biaa le ne, odi kyɛ menea ye wɔ ehurolɛ atee so ɔ.

YOB NWOMAA NE 31:9

“Sɛ brasua bie nwo akɔnnɔ wawura m’adwene nu, sɛ maatetɛ mmiɛngo bienzua manea mmerɛ bɔ okofi ye awuro kofite kɔhɔ a,

Edwein 119:96

Manwu nekaa bɔ pɛpɛɛpɛyɛlɛ amukoraa ye noa kɔpem ɔ, nakoso wɔ mmeraa dwirɛ ne de, nu trɛ paa.

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Anyandera 6:25

Nnɛdi ye anwonyemene si ekuro ye, yeɛ nnɛmaa ɔfa ye ndo nwiaa ne ɔkye w’adwene.

Hesekiel 23:16

Na onwuni bɛ pɛ, ɔfale ye nwo mane bɛ, na otuli bɔfoɛ mɔ maa bɛhɔle bɛ berɛ wɔ Kaldea.

Lewitikɔso 18:20

Nnɛne ebiɛngo aye bɛda, ná angua wɔ ne brasua ne nwo fiɛ.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Mateo 5:39

Nakoso me de, mekã mekyire ɛmɔ kyɛ, nnɛma ɛmɔfa bɔne betua ebie bɔ wayɔ ɛmɔ bɔne ɔ so kerɛ. Sɛ ebie pakye wɔ nye famaa so a, kakyi bɛen ne koso ma ye.

Romanfoɛ 7:14

Yɛse kyɛ mmeraa ne te sunzum nu nikye, na me de, nde anwoɔnaen, bɔ batɔne me bama bɔne ɔ.

Deuteronomi 22:22

“Sɛ bɛkye bienzua bie kyɛ ɔne ebie aye bɛda a, odi kyɛ beku bɛ munyɔ: bienzua bɔ ɔne braa ne lale ne, yeɛ braa ne. Yiti ɔsɛ kyɛ etu bɔne ne bo fi Yisrael.

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!

1 Yohane 2:16

Ofikyɛ bɔ ɔwɔ wiase amukoraa: anwoɔnaen akɔnnɔ, anyeboroborolɛ, asetena nu anwohoahoa offi Baba ne berɛ, na mmom ofi wiase.