Mateo 5:26 - AHYERƐLƐ KRONGRON

²⁶ Nahorɛ nu, mekã mekyire wɔ kyɛ, sɛ andua kerɛ ne amu pɛsɛɛ a, bɛngɔye wɔ ma engofite ngɔhɔ le.

Mateo 5:26 Iomraidhean Croise

Mateo 10:29

Aso bɛndɔne akatipire nyɔ pɛsaa? Nakoso bɛ nu ko po nde ndɔ ase bɔ ɛmɔ Baba ne ɔnze ye nwo bie ɔ.

Mateo 18:34

Na ye mene ne fɛle yaa, na ɔfale ye wurale kukunufoɛ so neafoɛ mɔ bɛ sa, kɔpem kyɛ okotua ye kerɛ ne amukoraa ɔ.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Marko 12:42

Na braa kunaniɛ hianiɛ bie koso wale, na ɔfale mbɛsaa nyɔ bɔ ɔte daama ooguale nu.

Luka 12:58

Sɛ ɛne ebie bɔ wabɔ wɔ kwaadu begu so bɛ́kɔ tuminiɛ nyunu a, ɛmɔwɔ atunu bɔ ɛ́mɔkɔ ne, bɔ mmɔden ɛne ye besiesie ɛmɔ afia, ná wandwe wɔ wangɔ ndɛenbualɛniɛ ne nyunu, ná ndɛenbualɛniɛ ne wamva wɔ wanwura kuku nu wɛmvoɛ ne sa, ná wɛmvoɛ ne amva wɔ wando kuku nu.

Luka 12:59

Na mekã mekyire wɔ kyɛ, sɛ andua kerɛ ne amukoraa pɛsɛɛ a, bɛngɔye wɔ ma ɛngɔhɔ.”

Luka 16:26

Na ɛhe amukoraa si ne, bɔnga pirikua bie la yɛne ɛmɔ afia, kyɛbɔ ɔkɔyɛ bɔ bɛ bɔ bekuro kyɛ befi wa bɛba ɛmɔ dɔ ne, bɛngɔhora ba ɔ. Yeɛ bɛ bɔ bɛwɔ dɔ ne koso, bɛngora bɛndra bɛmma yɛ wa.’

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.