Mateo 5:24 - AHYERƐLƐ KRONGRON

²⁴ yakyi w’ayɛyɛdeɛ ne to afɔleɛ bokyea ne nyunu berɛ, ná kɔ ɛne eliɛma ne bɛɛbɔ nu koraka né afa w’ayɛyɛdeɛ ne aabɔ afɔleɛ ne.

Mateo 5:24 Iomraidhean Croise

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Anyandera 25:9

Sɛ ɛne ebiɛngo benya dwirɛ a, ɛne ye ngome bɛhã, na ɔnzɛ kyɛ ɛsa ebiɛngo ne bo gua so;

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Mateo 5:23

Yiti sɛ ɛfa w’ayɛyɛdeɛ ba afɔleɛ bokyea nwo, ná berɛ ɛkaye kyɛ eliɛma ne wɔ le dwirɛ a,

Marko 9:50

Ngyee te paa; nakoso sɛ ngyee nu fɛɛ tu a, ɔkɔyɛ sɛɛ né ɛmɔawura ye ngyee bieku? Ɛ́mɔma ngyee ɔtena ɛmɔ nu, ná ɛmɔ ne ɛmɔ mmango bɛ́tena asomdwee nu.”

1 Korintofoɛ 11:28

Yiti sɛ ebiala ɔbaali paanoo ne bie, ná ɔno kulie ne noa bie a, maa ɔpɛnzɛpɛnzɛ ye nu ɔnea koraka.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.