Mateo 5:22 - AHYERƐLƐ KRONGRON

²² Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Mateo 5:22 Iomraidhean Croise

Gyenesise 37:4

Na oliɛma mmienzua nemɔ nwuni kyɛ bɛ baba kuro Yosef dwirɛ tra bɛ mu nen, bɛpɔle ye, yiti né bɛ ne ye dwudwo ɛyaa so.

Gyenesise 37:8

Na oliɛma nemɔ bisale ye kyɛ, “Ɛpena kyire kyɛ ɛbaayɛ yɛ so hene anaa? Anaakyɛ ɛbaali yɛ so tumi anaa?” Na ye laleɛ ɔne ye noa dwirɛ ne mane oliɛma nemɔ hɔle so bɛpɔle ye kɔkɔkɔkɔ.

2 Samuel 16:7

Amoen bɔ Simei borole ne ɛhe: “Fi wa kɔ! Fi wa kɔ! Wudiniɛ! Ɛte busueniɛ!

2 Samuel 6:20

Nziɛ ye, Dawide sa hɔle kyɛ ɔkwaasrɛ Nyameɛ saleɛ ma ye awuro ama. Yeɛ Sɔɔlo awa Mikal fitele ooyiale Dawide, na osele Dawide kyɛ, “Ɛnɛ de, Yisrael hene ayɛ ye nwo bie paa! Wapa ye nwo ɛnɛ wɔ ye somvoɛ mɔ b’afaneɛ mɔ nyunu, kyɛbɔ sona bɔ ɔnze nyanzoen si pa ye nwo ɔ!”

1 Ahemvo 21:4

Na ɔnate edwirɛ bɔ Yesreelniɛ Nabɔto hã hyirele Ahabo ne ati, Ahabo le ɛyaa ne aworabɔlɛ hɔle awuro. Ofikyɛ Nabɔto nwa, “Mengɔfa me nana mɔ agyapadeɛ mengɔma wɔ.” Ahabo ɔɔlale ye mba so, ɔfale ye nye hyirele terɛ, na wannidi.

2 Aberɛso Dwirɛ 16:10

Asa fɛle biaa bɔ ɔse ase ne aso yaa, na Asa bɔle ye panwu fale ye tole kuku nu, ofikyɛ edwirɛ ne mane Asa fɛle yaa paa. Afei sɔ mmerɛ ne, Asa tanene maen ne anu ama nemɔ bie nye.

2 Aberɛso Dwirɛ 19:5

Na ɔyeyele maenbulɛfoɛ wɔ maen ne anu maa bɛneane nguro bɔ bato bɛ nwo fasue nemɔ amukoraa so ngoko ngoko.

Nehemia 5:8

na nzele bɛ kyɛ, “Y’eliɛma Yudafoɛ bɔ batɔne bɛ bama Amaenmaensofoɛ mɔ ne, yabɔ mmɔden bɔ yɛkɔhora biala yapɔ bɛ. Nakoso afei de ɛmɔtɔne ɛmɔ bɔbɔ ɛmɔ aliɛma Yudafoɛ bɛma Yudafoɛ maa yɛsa yɛkɔpɔ bɛ!” Bɛyɛle konn, na né bennwu dwirɛ bɔ bɛhã ɔ.

Edwein 109:3

Bafa ɛpɔen dwirɛ babɔ me nwo mborɔkaa bayia, na bɛfa ngondii bɛtoa me mbaen.

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 25:3

Nahorɛ nu, bɛ bɔ bɛ nye la wɔ so ne, nnɛma bɛ nyunu gua ase; bɛ bɔ bɛnate ngondombo atee so bɛye bɛ biɛngo bɛma ne, ma bɛ nyunu gua ase.

Edwein 35:19

Pɔfoɛ ngondombofoɛ nemɔ, nnɛmaa bedi me nwo ahurusi, bɛ bɔ bɛpɔ me mbaen ne, nnɛmaa bebu me kangyerɛ.

Edwein 37:8

Twe wɔ nwo fi ɛyaafɛlɛ nwo, yeɛ nnɛma w’ahone hu. Nnɛma adwenedwene tɔ wɔ so; ɔne bɔne ngome yeɛ bɛnate ɔ.

Edwein 49:10

Ye nye tua kyɛ nworɛfoɛ bewu; yeɛ ngwaseafoɛ ne gyiminiwaafoɛ koso bewu, na bɛyakyi b’agyapadeɛ berɛ maa okodi mmeni foforɛ sa nu.

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Edwein 7:4

sɛ mafa bɔne matua sona bɔ ɔne me te asomdwee nu kerɛ, anaakyɛ mafa atee tɛɛ so mafa me pɔfoɛ nningyein a,

Edwein 92:6

Sona kwaseaa de, ɔnze, sona bɔ wagyimi de, ɔnde ɛhe abo:

Anyandera 14:16

Nworɛniɛ suro, na ɔtwe ye nwo fi bɔne nwo, nakoso kwaseaa de, ɔyɛ dwirɛ a ɔndwene ye nwo.

Anyandera 18:6

Kwaseaa dwudwolɛ ma ngondii ba, yeɛ ye noa dwirɛ frɛfrɛ ɛbolɛ.

Yeremia 17:11

Ebiala bɔ ɔpena anwonya bɔ wamva atee paa so ne, ɔte kyɛ akɔkɔhwereɛ bɔ obutu ngyiremvua bɔ nna ye yeɛ ɔtole ɔ so ɔ; onyi ɔkɔ ye nyunu kãa a, okofi ye sa, na ye ayieleɛ nu ɔkɔyɛ kwaseaa.

Awuye 3:52

“Me pɔfoɛ mɔ bɛfoa me anyeborolɛ so mbaen kyɛ anomaa.

Daniel 3:13

Yeɛ Nebukadenesa fɛle yaa hahii hyɛle kyɛ bɛɛfa Sadrake, Mesake ne Abedinego bɛbra. Na bɛɛfale sɔ mmenia ne bɛwale Nana nyunu.

Daniel 3:19

Yeɛ Nebukadenesa fɛle yaa hahii, na omunane Sadrake, Mesake ne Abedinego so paa. Na ɔhyɛle kyɛ behua foonoo see ne anu paa ma nu ɔyɛ hye pɛen nzoo ɔtra kyɛbɔ ɔyɛ a ye hyerɛ te ne.

Obadia 1:10

Ɔnate atianuserɛ bɔ ɛbɔle eliɛma Yakob ne ati, animguaseɛ kobia wɔ, na wɔ boso konua afebɔɔ.

Obadia 1:12

Nakoso ahaa onni kyɛ wɔ nye gye wɔ eliɛma n’amaneɛnwunɛ kyẽa ne anwo, yeɛ ahaa onni kyɛ edi ahurusi wɔ Yuda mma bɔ né bekũkũ bɛ ne anwo. Afei ahaa onni kyɛ ɛkekã anwomasoɛ dwirɛ, wɔ b’aworabɔlɛ kyẽa ne anwo.

Mateo 10:17

Ɛ́mɔnea ɛmɔ nwo yé wɔ kuro sona nwo, ɔnate kyɛ bɛkɔfa ɛmɔ bɛkɔhɔ mbanyi badwa nu, ná bafi ɛmɔ mbire wɔ bɛ nyianu sua mɔ nu.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 18:21

Yeɛ Petro wale Yesu berɛ oobisale ye kyɛ, “Awurade, pɛen nyɛɛ yeɛ nniɛma yɛ me tɛɛ a, mva ngyɛ ye ɔ? Pɛen nzoo anaa?”

Mateo 18:35

“Na sɛ ɛmɔanye ɛmɔ kunu fitaa bamva ɛmɔ aliɛma mvomsoɛ bangyɛ ye a, sɔ ala yeɛ me Baba bɔ ɔwɔ nyameɛso ne koso kɔyɛ ɛmɔ ɔ.”

Mateo 23:15

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔkyini ɛpo ne aseɛ so kyɛbɔ ɛmɔkonya sona ko maa ɔkɔɔboka ɛmɔ fekue ne aso ɔ, na sɛ ɛmɔnya ye a, ɛmɔmaa ɔyɛ amaneɛnwunɛ kuroniɛ mmɔhoɛ nyɔ tra ɛmɔ bɔbɔ.

Mateo 23:33

Ewoo, ɛkyenebene mmaa! Ɔkɔyɛ sɛɛ né ɛmɔahora banwati bafi amaneɛnwunɛ kuro ndɛenbualɛ ne anu?

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 26:59

Na asɔfo mbanyi nemɔ ne badwafoɛ ne amukoraa bɛpenane edwirɛ bɔ bɛkɔfa bekoli Yesu nwo adanzewia ɔ, amaa ɔnate so banya ye bahu ye;

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Mateo 5:34

Na me de, mekã mekyire ɛmɔ kyɛ, Nnɛma ɛmɔta ndaen koraa. Nnɛma ɛmɔfa anwuro bɛta ndaen, ɔnate kyɛ ɔte Nyameɛ ahennie bia,

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Marko 14:55

Na asɔfo mbanyi ne badwafoɛ nemɔ amukoraa bɛpenane adanzeɛ bɔ bɛkɔfa bekotia Yesu, bɔ bekogyina so bekohu ye ɔ, nakoso bannya bie;

Marko 15:1

Na aleɛ baahye ne, ndɛndɛ so, asɔfo mbanyi ne maen mbanyi ne ahyerɛlɛfoɛ ne badwafoɛ ne amukoraa bɛhɔle agyina, na bɛkyekyele Yesu bɛfale ye beewurale Pilato sa.

Luka 12:5

Na mebɔ ɛmɔ kɔkɔ, bɔ ɔsɛ kyɛ ɛmɔsuro ye ɔ: Odi kyɛ ɛmɔsuro bɔ oku yie a, ole tumi kyɛ ogyi to abɔnzam see nu ɔ. Amba, mekã mekyire ɛmɔ kyɛ, ye yeɛ odi kyɛ ɛmɔsuro ye ɔ.

Luka 22:66

Na aleɛ hyene ne, maen mbanyi ne asɔfo mbanyi ne ahyerɛlɛfoɛ nemɔ beyiale, na bɛfale ye bɛhɔle bɛ badwa ne anyunu, na besele ye kyɛ,

Yohane 11:47

Yiti asɔfo mbanyi ne Farasiifoɛ nemɔ bɛmane badwafoɛ nemɔ beyiale, na bɛhane kyɛ, “Nzikyɛ yeɛ odi kyɛ yɛyɔ ɔ? Ofikyɛ sɔ biaa ne ɔyɔ nzɛngyerɛnneɛ pee.

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Yohane 7:20

Na ɛlɔen ne buale kyɛ “Ele sunzummɔne! Nwa yeɛ ɔpena wɔ ku wɔ ɔ?”

Yohane 8:48

Yeɛ Yudafoɛ nemɔ buale ye kyɛ, “Aso nna nahorɛ yeɛ yahã ne anaa, kyɛ ɛte Samarianiɛ na ele sunzummɔne?”

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 22:30

Né safohene ne pena kyɛ onwu nikye horɛ bɔ Yudafoɛ nwa Pɔɔlo ayɔ ɔ. Yiti aleɛ hyene ne, ɔmaa bɛsangyele ngɔnzɔngɔnzɔ bɔ bafa bagua ye ne, na ɔhyɛle asɔfo mbanyi ne bɛ badwafoɛ ne amu maa beyiale, na ɔfale Pɔɔlo oogyinane bɛ nyunu berɛ.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 24:20

Anaakyɛ ma mmenia bɔ bɛwɔ wa kekesaala ye bɛha bɔne horɛ bɔ badwafoɛ ne nwuni ye me nwo wɔ bɛ nyunu ɔ;

Asomafoɛ 4:15

Yiti bɛmaa bɛhwene bɛ nwo befili badwa nu berɛ bɛhɔle ahameɛ, na bɛhɔle agyina

Asomafoɛ 5:21

Na bɛtele sɔ dwirɛ nen, bɛhɔle asɔneyɛɛ sua ne anu alebahyene, bɛɛyɛle ngyerɛkyerɛ. Na ɔsɔfo panyi paa ne, ɔne bɛ bɔ bɛboka ye so ne wale, na bɛtole asaa bɛfrɛle badwafoɛ nemɔ ne Yisrael mbanyi mukoraa maa beyiale, na bɛsomane mmenia kyɛ bɛɛye asomafoɛ ne befi kuku nu dɔ bɛbra.

Asomafoɛ 5:27

Bɛfale asomafoɛ ne bɛwale maa beegyinane dwaa bɔ babɔ ne anu, na ɔsɔfo panyi paa ne sele bɛ kyɛ,

Asomafoɛ 6:12

Na besili maen ne ne maen mbanyi ne ahyerɛlɛfoɛ nemɔ adua, na bɛwale ye so bɛɛhyele ye, na bɛfale ye bɛhɔle badwa ne anyunu.

Asomafoɛ 6:15

Badwafoɛ ne amukoraa neane Setefano haa, na benwuni kyɛ ye nyunu ayɛ kyɛ abɔfo nyunu.

Asomafoɛ 7:37

Mose komapɛ ne ala yeɛ ɔhã hyirele Yisraelfoɛ kyɛ, ‘Nyameɛ kɔsoma ngɔmhyɛlɛniɛ bɔ ɔte ɛmɔ aliɛma ɔ maa ɔkɔwa ɛmɔ berɛ, kyɛbɔ wasoma me ne.’

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

1 Korintofoɛ 6:6

bɔ yeɛ aliɛmaa fa aliɛmaa kɔ bɛ bɔ benne nni gya so maa bebua bɛ ndɛen ɔ?

Deuteronomi 15:11

Ɔyɛ sɛɛ ala a, mmenia bɔ bɛyɛ anwumvo ɔ ngɔpa aseɛ ne aso. Yiti méhyɛ wɔ kyɛ, eliɛngo bɔ ɔte ehianiɛ, bɔ ɔyɛ anwumvo wɔ w’aseɛ ne aso ne, ma wɔ sa so ye so.

Deuteronomi 16:18

“Wɔ nguro amukoraati bɔ AWURADE wɔ Nyameɛ ɔ́fa ma wɔ ne, neanea nu ná yeye ndɛenbualɛfoɛ ne mbanyi fi w’abusua kure nemɔ anu, na bɛ yeɛ bɛkɔfa ndɛen bɔ ɔtengyɛ bekobu maen ne ɔ.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

Tito 3:2

kyɛ, nnɛmaa bɛkã ebiala nwo dwirɛ tɛɛ, nnɛmaa bɛyɛ tuturefoɛ; na mmom bédwo bɛ nwo ase, ná bɛfa anidie bɔ odi mu ɔ bɛma mmenia mukoraa.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

Yakobo 2:20

Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?

Yakobo 3:6

Temverema koso te see. Temverema te ewiase bɔ ɔndengyɛ bɔ wafra y’akwaa mɔ nu ɔ; ɔbɔ musue maa ɔkã nipadua ne amukoraa, ɔfa see to mmenia asetena nu, na abɔnzam see nu yeɛ onya ye see ne fi ɔ.

1 Petro 2:23

Bɛpepɛle ye nzoaa nen, wangakyi wamma bɛ; mmerɛ bɔ né onwu amaneɛ nen, wannwunanwuna; na mmom ɔfale ye nwo wurale bɔ obua ndɛen turoloo ne sa.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

1 Yohane 2:9

Na ebiala bɔ ɔkã kyɛ ɔwɔ kanea ne anu, nakoso ɔpɔ oliɛma ne, ɔtɛte awosii nu.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 5:16

Sɛ ebie nwu oliɛma kyɛ ɔyɔ bɔne bɔ ɔmva ye ngɔ ewue nu a, maa ɔbɔ mbaeɛ ɔma ye, na Nyameɛ kɔfa ye mbaeɛ ne aso kɔma ye ngoa. Mekyire bɛ bɔ bɛyɔ bɔne bɔ ɔmva bɛ ngɔ ewue nu ɔ. Nakoso bɔne bie wɔ berɛ bɔ ɔfa sona kɔ ewue nu ɔ, na ɛhe de mengyire kyɛ ɔbɔ ye nwo mbaeɛ.

Yuda 1:9

Nakoso mmerɛ bɔ abɔfo panyi Mikayɛl ne abɔnzam bɛpereperele Mose fuin nwo ne, Mikayɛl anzi ye hue wanga dwirɛ wandia ye wammua ye ndɛen, na mmom ɔhane kyɛ, “Awurade hwi wɔ nyunu!”

Nyekyire 20:14

Afei befindini Ewue ne Ɛborɔ beguale see abura ne anu. Ewue bɔ ɔtɔ so nyɔ ɛne.