Mateo 5:15 - AHYERƐLƐ KRONGRON

¹⁵ Sɔ ala yeɛ bɛnzɔ kanea ná bafa bawura ɛkorɛ bo ɔ; na mmom bɛfa besie kanea bakaa so, amaa wata wama ebiala bɔ ɔwɔ awuro berɛ anwu ase.

Mateo 5:15 Iomraidhean Croise

Ɛksadɔso 25:37

Afei yɔ ye kanea nzoo ne, ná fa siesie so maa bɛta ye nyunu berɛ.

Sakaria 4:2

Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

Numeri 8:2

“Ka kyire Aarɔn kyɛ, Sɛ ɛ́fa nganea nemɔ siesie kanea bakaa ne aso a, odi kyɛ ɛfa nganea nzoo nemɔ siesie so maa bɛta kanea bakaa ne nyunu berɛ.”

Marko 4:21

Na Yesu bisale bɛ kyɛ, “Bɛfa kanea bɛba kyɛ bɛbaafa bewura ɛkorɛ bo, anaakyɛ mba bo anaa? Aso nna kanea bakaa so yeɛ bɛfa besie ɔ?

Luka 11:33

“Ebiala nzɔ kanea mva mvea anaa ɔmva nwura ɛkorɛ bo; na mmom ɔfa sie kanea bakaa so, amaa bɛ bɔ bɛba awuro berɛ ne banwu ye hyireinn ne.

Luka 11:36

Sɛ wɔ nipadua ne amukoraa te hyireinn bɔ awosii nne ye nekaa biala a, nipadua ne amukoraa kɔyɛ hyireinn, kyɛbɔ kanea ta hyireinn ma wɔ ne.”

Luka 8:16

“Bɛnzɔ kanea bɛmva nikyee bemmutu so, anaakyɛ bɛmva benzie mba bo. Na mmom bɛfa besie kanea bakaa so, kyɛbɔ ɔkɔyɛ bɔ mmenia bɔ bɛba nu ne bekonwu kanea ne ɔ.

Filipifoɛ 2:15

amaa ɛmɔayɛ mmenia bɔ edwirɛ nne bɛ nwo bɔ bɛ nwo sonn, Nyameɛ mma bɔ ngekalewa biala nne ɛmɔ nwo wɔ bɔnefoɛ maen bɔ bali makyebu, bɔ ɛmɔta wɔ bɛ nu kyɛ kanea bɔ ɔwɔ wiase,

Hebrifoɛ 9:2

Ɔnate kyɛ, besili ɛtena sua; bɔ bedi moa befite so ne bɛfrɛ ye Nekaa Krongron. Né kanea bakaa, ɛpoen ne paanoo krongron wɔ sɔ pumbu ne anu.

Nyekyire 2:5

Yiti kaye tebea bɔ efili nu fini ase ne, ná sakyera w’adwene, ná yɔ nnwumaa bɔ ɛyɔle ye daa ne! Na sɛ anyɔ sɔ a, ngɔwa wɔ so ndɛndɛ, ná maaye wɔ kanea bakaa ne mafi ye boso, sana ɛsakyera w’adwene.