Mateo 5:12 - AHYERƐLƐ KRONGRON

¹² Ɛ́mɔma ɛmɔ nye gye ná ɛ́mɔli ahurusi, ofikyɛ ɛmɔ akatuaa sone wɔ nyameɛso. Ofikyɛ sɔ ala yeɛ bɛtanene ngɔmhyɛlɛfoɛ bɔ belili ɛmɔ nyunu moa nemɔ nye ɔ.

Mateo 5:12 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

1 Ahemvo 18:13

Me mene, aso ɛttele bɔ nyɔle ɔ; kyɛ mmerɛ bɔ Yesebɛl okũkũ AWURADE ngɔmhyɛlɛfoɛ ne, mvale AWURADE ngɔmhyɛlɛfoɛ ɛyaa ko mveale aburannu aburannu wɔ nyɔboɛ bɔ wasi sua ɔ nu, ná mmane bɛ aleɛ ne nzue ɔ?

1 Ahemvo 18:4

Mmerɛ bɔ Yesebɛl okũkũ AWURADE ngɔmhyɛlɛfoɛ nemɔ ne, Obadia fale ngɔmhyɛlɛfoɛ ɛyaa ko, ɔhyɛle bɛ nu aburannu aburannu, ɔfale bɛ ɔɔfeale nyɔboɛ bɔ wasi sua ɔ nu, na né ɔma bɛ aleɛ ne nzue.)

1 Ahemvo 19:2

Yeɛ Yesebɛl tuli ɛbɔfoɛ maa oosele Elia kyɛ, “Kyɛ odwu ɛhema bekye sɔa, sɛ mangu wɔ kyɛ mmenia bɔ ahũhũ bɛ ne anu ko a, me koso mmosoen nemɔ behũ me bie.”

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

2 Ahemvo 1:9

Nana Ahasia somane koɛhonɛfoɛ aburannu so safohene ko, ɔne koɛhonɛfoɛ aburannu bɔ sɔ safohene ne la bɛ noa ne. Safohene ne hɔle Elia berɛ. Né Elia te bokaa bie ti afia, na osele Elia kyɛ, “Nyameɛ sona, Nana nwa, ‘Dwu bra ase.’ ”

2 Aberɛso Dwirɛ 16:10

Asa fɛle biaa bɔ ɔse ase ne aso yaa, na Asa bɔle ye panwu fale ye tole kuku nu, ofikyɛ edwirɛ ne mane Asa fɛle yaa paa. Afei sɔ mmerɛ ne, Asa tanene maen ne anu ama nemɔ bie nye.

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Edwein 19:11

Afei koso, ɔnate so yeɛ ɛbɔ wɔ somvoɛ kɔkɔ ɔ; na sona di so a, onya akatuaa piri.

Edwein 58:11

Mmenia kɔhã kyɛ, “Amba, akatuaa wɔ berɛ ma teneneefoɛ; amba, Nyameɛ bɔ obua ndɛen wɔ aseɛ ye aso ne, ɔwɔ berɛ.”

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 26:8

Na ɔwale kyɛ, Yeremia hane edwirɛ amukoraa bɔ AWURADE fale ahyɛdeɛ mane ye kyɛ ɔhã hyire maen ne amukoraa yiele nen, asɔfo nemɔ ne ngɔmhyɛlɛfoɛ ne maen ne amukoraa bɛhyele ye, na bɛhane kyɛ, “Ehunɛ ala yeɛ odi kyɛ yɛku wɔ ɔ!

Yeremia 37:14

Yeɛ Yeremia buale kyɛ, “Daabi, ɔtte nahorɛ. Mennwati memva me nwo mengɔmmɔ Kaldeafoɛ.” Nakoso Yiriya wandie bɔ Yeremia kã ne, na ɔhyele ye fale ye hɔle mbanyi mɔ nyunu.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 6:23

Ɛ́mɔma ɛmɔ nye gye wɔ sɔ kyẽa ne, ná ɛmɔli ahurusi, ɔnate kyɛ ɛmɔ akatuaa te piri wɔ nyameɛso; na sɔ ala yeɛ bɛ nana mɔ bɛfa belili ngɔmhyɛlɛfoɛ nemɔ ɔ.

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Asomafoɛ 16:25

Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ.

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Romanfoɛ 5:3

Nna ɛhe angome, na mmom yɛhoahoa yɛ nwo wɔ yɛ amaneɛnwunɛ nu koso, ɔnate kyɛ yɛse kyɛ amaneɛnwunɛ ma sona nya animia;

1 Korintofoɛ 3:8

Bɔ oluale ne, ɔne bɔ oguaguale so nzue ne, bɛ mukoraa pɛ, na bɛ nu biala sa kɔha ye akatuaa kyɛbɔ ye bɔbɔ ye adwuma si te ɔ.

2 Korintofoɛ 4:17

Ofikyɛ kekesaala ye amaneɛ kãa bɔ yɛnwu ye ne, osiesie yɛ ma animnyam kandinga bɔ ɔwɔ berɛ afebɔɔ, bɔ ɔtra so ɔ.

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

Kolosefoɛ 3:24

Ɔnate kyɛ, ɛmɔse kyɛ Awurade berɛ yeɛ ɛmɔkonya ɛmɔ agyapadeɛ bɔ ɔte akatuaa ne ɔ, ofikyɛ Awurade Kristo yeɛ ɛmɔso ye ɔ.

1 Tɛsalonikafoɛ 2:15

Bɛ yeɛ behuni Awurade Yesu ne bɛ bɔbɔ bɛ ngɔmhyɛlɛfoɛ nemɔ ɔ, ná bɛtanene yɛ nye maa yɛnwatili ɔ. Bɛnzɔ Nyameɛ nye, yeɛ bɛko betia mmenia amukoraa.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

Hebrifoɛ 11:33

Bɛ yeɛ ɔnate gyidie so bɛhone belili ahennie ahoroɔ so ngonim ɔ, begyinane bɛmane tenenee, bɛ sa hane bɔhyɛ mɔ, bɛhane gyata mɔ noa bɛtole nu;

Hebrifoɛ 11:6

Ebiala bɔ olle gyidie ne, ɔngora nzɔ Nyameɛ nye, ofikyɛ odi kyɛ ebiala bɔ ɔba Nyameɛ berɛ ne onya gyidie kyɛ Nyameɛ wɔ berɛ, na oyira bɛ bɔ bɛ nye aboro bɛpena ye boso ɔ.

Yakobo 1:2

Nniɛma mɔ, sɛ nzɔhwɛ ahoroɔ toto ɛmɔ a, ɛ́mɔbu ye kyɛ ɔte anigye nikye;

Yakobo 5:10

Aliɛmaa mɔ, ngɔmhyɛlɛfoɛ bɔ bedwudwole Awurade dumaa nu ne, ɛ́mɔfa bɛ bɛ́yɛ amaneɛnwunɛ ne aboterɛ nwo nhwɛsoɛ.

1 Petro 4:13

Na mmom, ɛ́mɔma ɔyɛ ɛmɔ fɛ kyɛ ɛmɔnwu Kristo amaneɛ ne bie ɔ, amaa sɛ bɛye ye animnyam ne ali a, ɛmɔ koso ɛmɔali ahurusi ná ɛmɔ nye agye.

Rutu 2:12

Bɔ ayɔ ye, mesrɛ kyɛ AWURADE ɔma wɔ ye nwo akatuaa. AWURADE Yisrael Nyameɛ, bɔ aabɔ wɔ nwo adwaa wɔ ye ndaa bo ne, mesrɛ kyɛ ɔma wɔ akatuaa mmorosoɛ.”