Mateo 5:11 - AHYERƐLƐ KRONGRON

¹¹ “Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Mateo 5:11 Iomraidhean Croise

Edwein 35:11

Adanzewiafoɛ bedwɔso begyina, na edwirɛ bɔ menze ye nwo hwee ɔ yeɛ bebisa me ɔ.

Edwein 44:22

Ɔnate wɔ ti beku yɛ daa biala, na bebu yɛ kyɛ mmoaen bɔ bɛfa bɛ bɛkɔ akumyɛɛ ɔ.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Yeremia 37:14

Yeɛ Yeremia buale kyɛ, “Daabi, ɔtte nahorɛ. Mennwati memva me nwo mengɔmmɔ Kaldeafoɛ.” Nakoso Yiriya wandie bɔ Yeremia kã ne, na ɔhyele ye fale ye hɔle mbanyi mɔ nyunu.

Mateo 10:18

Ɔnate me ti bɛkɔfa ɛmɔ bekogyina amrado mɔ ne ahemvo nyunu, na ɔkɔyɛ adanzeɛ kohyire bɛ ne Amaenmaensofoɛ.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 10:39

Ebiala bɔ okonya ye ngoa ne, ɔkɔhwere ye; na ebiala bɔ me ti ye ngoa kofi ye sa ne, okonya ye.

Mateo 19:29

Na ebiala bɔ me dumaa ti wayakyi awuro mɔ, anaa aliɛmaa mmienzua, anaa aliɛmaa mmrasua, anaa seɛ, anaa niɛ, anaa mmaa, anaa aseɛ mɔ berɛ nen, okonya ye nwo mmɔhoɛ ɛyaa, na okonya daa ngoa.

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 27:39

Na bɛ bɔ bɛɛpɛle nu berɛ ne, bɛwosole bɛ ti bɛkekane dwirɛ betiale ye

Marko 13:13

Ɔnate me dumaa ti, mmenia mukoraa bɛkɔpɔ ɛmɔ, nakoso bɔ okotindim koodwu ayieleɛ nen, ye yeɛ bekole ye ngoa ɔ.

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Marko 4:17

nakoso ondira ndii wɔ bɛ nu, na ɔtena bɛ nu mmerɛ kãa bie; na sɛ ɔnate edwirɛ ne ati amaneɛnwunɛ anaa ndaneanyeɛ ba bɛ so a, berɛ ne ala ɔkakyi sundidua ma bɛ.

Marko 8:35

Ofikyɛ ebiala bɔ okuro kyɛ ode ye kra ngoa ne, ɔkɔhwere ye; nakoso ebiala bɔ ɔnate me ne nzɛmba ne ati ɔkɔhwere ye ngoa ne, okonya ngoa kɔma ye kra.

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Luka 21:17

Na ɔnate me dumaa ti, mmenia mukoraa bɛkɔpɔ ɛmɔ;

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Luka 9:24

Ofikyɛ ebiala bɔ okuro kyɛ ode ye kra ngoa ne, ɔkɔhwere ye; nakoso ebiala bɔ ɔnate me ti ɔkɔhwere ye ngoa ne, okonya daa ngoa.

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Yohane 9:28

Yeɛ bɛpepɛle ye nzoaa besele kyɛ, “Wɔ yeɛ ɛte ye suaniɛ ɔ; na yɛ de, yɛte Mose asuafoɛ.

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

Romanfoɛ 8:36

Ofikyɛ bahyerɛ kyɛ, “Ɔnate wɔ ti beku yɛ daa biala; na bebu yɛ kyɛ mmoaen bɔ bɛkwaahũ bɛ ɔ.”

1 Korintofoɛ 4:10

Kristo ti yayɛ ngwaseafoɛ, nakoso ɛmɔ de, ɛmɔayɛ nworɛfoɛ wɔ Kristo nu! Yɛyɛ mmerɛ, nakoso ɛmɔ de, ɛmɔ nwo yɛ se. Ɛmɔ de, bedi ɛmɔ nni, nakoso yɛ de, bemmu yɛ.

2 Korintofoɛ 4:11

Ofikyɛ mmerɛ bɔ yɛte ase ye de, ɔnate Yesu ti daa biala bɛma ewue di yɛ mvanvando, amaa ɔnate so Yesu ngoa ne koso ala ali wɔ yɛ nwonaen bɔ owu ne anu.

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

1 Petro 2:23

Bɛpepɛle ye nzoaa nen, wangakyi wamma bɛ; mmerɛ bɔ né onwu amaneɛ nen, wannwunanwuna; na mmom ɔfale ye nwo wurale bɔ obua ndɛen turoloo ne sa.

1 Petro 4:14

Na sɛ ɔnate Kristo dumaa ti bɛbɔ ɛmɔ alapaa a, ɔte saleɛ ma ɛmɔ; ofikyɛ animnyam sunzum, Nyameɛ sunzum ne, ɔwɔ ɛmɔ so.

Nyekyire 2:3

Mese kyɛ anya animia paa, na ɔnate me dumaa ti anwu amaneɛ, nakoso w’abasa nu mmu.