Mateo 5:10 - AHYERƐLƐ KRONGRON

¹⁰ “Bɛ bɔ tenenee ti bɛtane bɛ nye ne, banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Mateo 5:10 Iomraidhean Croise

Edwein 37:12

Bɔnefoɛ bɛbɔ teneneefoɛ mɔ nwo porɛ, na bɛnwose bɛ gye bekyire bɛ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Mateo 10:23

Na sɛ bɛtane ɛmɔ nye wɔ kuro ko aso a, ɛ́mɔnwati bɛhɔ foforɛ so. Nahorɛ nu, mekã mekyire ɛmɔ kyɛ, ɛmɔngoyie Yisrael nguro amukoraa so kyini koraka né Sona Awa ne awa.

Mateo 19:14

Nakoso Yesu sele kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ nyameɛso ahennie ne ɔte bɛ deɛ ɔ.”

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Marko 10:14

Na Yesu nwuni ye sɔ nen, wanyɛ ye fɛ, na osele bɛ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Marko 10:30

bɔ ongonya sua mɔ, ne aliɛmaa mmienzua, ne aliɛmaa mmrasua, ne niɛ mɔ, ne mmaa, ne aseɛ mɔ mmɔhoɛ ɛyaa, bɔ ndaneanyeɛ koso boka so, wɔ kekesaala ye wiase ye anu ɔ; ɔne daa ngoa wɔ wiase bɔ ɔ́ba ne anu ɔ.

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Luka 22:29

na kyɛbɔ me Baba afa ahennie ne wama me ne, sɔ ala yeɛ me koso mefa mema ɛmɔ ɔ,

Luka 6:20

Na Yesu mane ye nye so neane ye asuafoɛ nemɔ, na osele kyɛ, “Ɛmɔ, ehiafoɛ, ɛmɔanya saleɛ, ofikyɛ ɛmɔ yeɛ Nyameɛ ahennie ne ɔte ɛmɔ deɛ ɔ!

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Asomafoɛ 5:40

Yiti bɛfale ye foɛtulɛ ne. Na bɛfale asomafoɛ nemɔ besa bɛwale badwa nu berɛ nen, befini bɛ mbire, na bɛkanzole bɛ kitii kyɛ nnɛma bedwudwo wɔ Yesu dumaa nu, na bɛyakyili bɛ maa bɛhɔle.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

2 Korintofoɛ 4:17

Ofikyɛ kekesaala ye amaneɛ kãa bɔ yɛnwu ye ne, osiesie yɛ ma animnyam kandinga bɔ ɔwɔ berɛ afebɔɔ, bɔ ɔtra so ɔ.

Filipifoɛ 1:28

bɔ ɛmɔmma ɛmɔ pɔfoɛ mɔ bennwunanwuna ɛmɔ wɔ nikyee biala nu ɔ. Na ɛhe te eminilɛ bɔ bekomini ne nwo nzɛngyerɛnneɛ ma bɛ; nakoso ɛmɔ de, ɔte ngoalelɛ bɔ ofi Nyameɛ berɛ ma ɛmɔ.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

Yakobo 5:11

Ɛ́mɔtie, bɛ bɔ bemiane bɛ nye bɛfale amaneɛ nu ne, yɛbu bɛ kyɛ banya saleɛ. Yeɛ ɛmɔate Yob amaneɛnwunɛ nu animia ne, na ɛmɔanwu kyɛbɔ Awurade maa osi yiele ye ɔ, kyɛbɔ Awurade anwumvoinnwunɛ sone, ná osa le tema maa ɔbo so ɔ.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.