Mateo 4:8 - AHYERƐLƐ KRONGRON

⁸ Yeɛ abɔnzam fale ye bieku hɔle bokaa tendenn bie aso, na ohyirele ye ewiase ahennie amukoraa ne nu animnyam;

Mateo 4:8 Iomraidhean Croise

Ɛseta 1:4

Ye anwonya worawora bɔ ɔwɔ ye ahennie nu, ye ahennie ne ye nyemene, ɔne ye animnyam ne, ɔfale ngyẽa pee, ngyẽa ɛyaa ko aburawɔtwɛ yeɛ ɔlale ye ali hyirele ɔ.

Ɛseta 5:11

Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Numeri 23:3

Yeɛ Balaam sele Balake kyɛ, “Tena wɔ naen yeralɛ afɔleɛ ne anwo, na mekɔ ahameɛ kãa. Ebiaa AWURADE ne me kooli ngitahoɛ. Bɔ ɔkɔye kohyire me biala, ngɔhã ngohyire wɔ.” Na Balaam sili nu hɔle bokaa pralaa bie aso.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Mateo 4:5

Afei abɔnzam fale ye hɔle kuro krongron ne anu, na ɔfale ye oogyinane asɔneyɛɛ sua ne ti afia,

Yohane 5:20

Ofikyɛ Baba ne kuro Baa ne dwirɛ, na okyire ye nikyee biala bɔ ye bɔbɔ ɔyɔ ɔ; na okohyire ye nnwumaa mbiri mbiri bɔ bɛtra ɛhemɔ ɔ, ná wayɛ ɛmɔ nwanwa.

1 Petro 1:24

Ofikyɛ “Anwoɔnaen amukoraa te kyɛ ndire, na sona animnyam amukoraa te kyɛ ndire bɔ wabɔ nyerɛen ɔ. Ndire kese, na ye nyerɛen poro gua;

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”