Mateo 4:24 - AHYERƐLƐ KRONGRON

²⁴ Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 4:24 Iomraidhean Croise

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

1 Ahemvo 10:1

Hyeba hemmaa tele Solomon nga kyɛ wale dumaa paa. (Ɔnate AWURADE dumaa ti yeɛ olele dumaa ɔ.) Yiti Hyeba hemmaa hɔle kyɛ ɔkwaafa adwobisa bɔ ye noa yelɛ yɛ se ɔ oso ye nea.

1 Ahemvo 4:31

Né ɔse nworɛ tra sona biala. Ɔse nworɛ tra Ɛsraniɛ Etan ɔne Maholi mma Heman, Kalkole ne Dareda. Olele dumaa wɔ maen maen bɔ bapɛ ye nwo bayia ne amukoraa nu.

1 Aberɛso Dwirɛ 14:17

Dawide lele dumaa wɔ maen nemɔ amukoraa so, na AWURADE mane ye nwo suronyi tɔle maen maen ne amukoraa so.

1 Aberɛso Dwirɛ 29:2

Yiti mabɔ mmɔden bɔ ngɔhora biala, mapena nningyein bɔ bɛkɔfa bekosi me Nyameɛ awuro ne ɔ magua berɛ: esikaa kɔkorɛ bɔ bɛkɔfa bɛkɔyɔ esikaa kɔkorɛ nningyein; ɛdwetɛ bɔ bɛkɔfa bɛkɔyɔ ɛdwetɛ nningyein; kɔɔbere bɔ bɛkɔfa bɛkɔyɔ kɔɔbere nningyein; buralɛ bɔ bɛkɔfa bɛkɔyɔ mmuralɛ nningyein; yeɛ mmakaa bɔ bɛkɔfa bɛkɔyɔ mmakaa nningyein ɔ. Afei koso, mapena onike nyɔboɛ bɔ bɛkɔfa bɛkɔhyehyɛ ɔ, nyɔboɛ hyɛnhyɛnn, nyɔboɛ torometorome, nyɔboɛ bɔ ye nyɔboɛ yɛ se ɔ, yeɛ nyɔbosanyene pee.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Mateo 12:22

Yeɛ mmenia biemɔ fale biaa bie bɔ sunzummɔne wɔ ye so ná osa te anyesiniwaaniɛ ne emumu ɔ bɛbrɛle Yesu. Na ɔsale biaa ne anwonyerɛ maa ɔhora dwudwole, na osa nwuni nikye.

Mateo 14:1

Sɔ mmerɛ ne anu, manzini hene Herode tele Yesu nga;

Mateo 15:22

Na yieee, Kanaanniɛ braa bie bɔ ofi mbɔtam berɛ ɔ wale, na ɔteane nu kyɛ, “O Awurade, Dawide Awa, nwu me anwumvoin, na sunzummɔne bie ɔha mma brasua paa.”

Mateo 17:15

“Awurade, nwu mma bienzua ye anwumvoin, ofikyɛ ɔpɛ, na onwu amaneɛ paa; na ɔtaa pɛ tɔ see nu, yeɛ ɔtaa pɛ tɔ nzue nu.

Mateo 17:18

Yeɛ Yesu teateane sunzummɔne ne, na ofili ye nu fitele, na akwadaa ne tele apɔ berɛ ne ala.

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 8:28

Yesu dwuli Gadarafoɛ aseɛ so wɔ asue ne asi dɔ nen, mmenia nyɔ bie bɔ bele sunzummɔne ɔ befili asieleɛ ngumaa nu befitele beeyiale ye. Na ɔnate b’awerɔm ne ati, né ebiala ngora mva atee ne aso.

Mateo 8:33

Mmenia bɔ bɛnea mbrako nemɔ so ne bɛnwatili, na bɛhɔle kuro ne anu bɛɛhane edwirɛ bɔ wasi ne amukoraa, ɔne bɔ ɔfa bɛ bɔ né sunzummɔne wɔ bɛ so ne anwo.

Mateo 8:6

“Awurade, m’akoaa nde apɔ, wabubu ɔla awuro, na onwu amaneɛ soma.”

Mateo 9:26

Na sɔ dwirɛ ne trɛ hɔle mbɔtam berɛ amukoraa.

Mateo 9:35

Yesu hɔle nguro ne nguraa ne amukoraa so aporɔ yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba, na ɔsale anwonyerɛ ne anwommerɛlɛ amukoraa.

Marko 1:28

Na berɛ ne ala, Yesu nwo dwirɛ trɛ hɔle mbɔtam bɔ bapɛ Galilea nwo bayia ne amukoraa nu.

Marko 1:32

Odwuli nɔsoa bɔ eyia tɔle nen, bɛfale bɛ bɔ bɛnde apɔ ne bɛ bɔ bele sunzummɔne amukoraa bɛwale ye berɛ.

Marko 2:3

Na bɛfale bubuaniɛ bie bɔ mmenia nna bɛso ye ɔ bɛbrɛle ye.

Marko 2:4

Na ɔnate mmenia wora ne ati, bannya atee bangɔ ye nwo berɛ. Yiti bɛpale sua bɔ né Yesu wɔ nu ne aso, betofili nu tokuro, na bedwurale bɛen ne wɔ mmerɛ bɔ né bubuaniɛ ne ɔla so ɔ bɛtole nu dɔ.

Marko 2:9

Beni yeɛ ɔyɛ mmerɛ ɔ? Kyɛ bɛkɔhã bekohyire bubuaniɛ ne kyɛ, ‘Bafa wɔ bɔne bahyɛ wɔ’, anaa kyɛ bɛkɔhã kyɛ, ‘Dwɔso, fa wɔ bɛen ná nate’?

Luka 2:2

Ɛhe yeɛ ɔte mmeniahalɛ bɔ oli moa ɔ, mmerɛ bɔ né Kirineo ɔte amrado wɔ Siria ne.

Luka 4:14

Yesu nate Sunzum tumi so sa wale Galilea, na ye nwo dwirɛ trɛ hɔle mbɔtam berɛ amukoraa bra yiale.

Luka 4:38

Yesu dwɔsole fili nyianu sua ne anu, na ɔhɔle Simɔn awuro. Né Simɔn sia brasua afokyɛ paa, na bɛsrɛle ye kyɛ ɔboka ye.

Luka 5:15

Nakoso Yesu nwo dwirɛ trɛ hɔle dede, na ɛlɔen kandinga beeyiale berɛ kyɛ bɛbaatie ye dwirɛ, ná bɛmaa ɔsa bɛ anwonyerɛ.

Luka 5:24

Na kyɛbɔ ɔkɔyɛ bɔ ɛmɔkonwu kyɛ Sona Awa ne ole tumi wɔ aseɛ so, kyɛ ɔfa bɔne kyɛ ti ɔ,” na osele bubuaniɛ ne kyɛ, “Mekã mekyire wɔ kyɛ, dwɔso, fa wɔ bɛen ne ná kɔ w’awuro!”

Luka 7:17

Na ye nwo dwirɛ trɛ hɔle Yudea amukoraa ne aseɛ mɔ bɔ bapɛ ye nwo bayia ne amukoraa so.

Yohane 10:21

Na ebiemɔ koso hane kyɛ, “Sona bɔ ole sunzummɔne ne, nna sɔ yeɛ ye noa dwirɛ te ɔ. Sunzummɔne kɔhora kɔte anyesiniwaafoɛ nye anaa?”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 15:23

na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 28:9

Na sɔ dwirɛ ne sili nen, supɔ ne aso ayarefoɛ mukoraa wale maa Pɔɔlo sale bɛ anwonyerɛ.

Asomafoɛ 8:7

ofikyɛ sunzummɔne mɔ teateane nu serɛserɛ betutu befili mmeni pee nu, na mmubuafoɛ ne mbakye pee benyane ayaresa.

Yosua 6:27

Yiti AWURADE gyinane Yosua si, na bɛtele ye nga wɔ aseɛ ne aso nekaa biala.