Mateo 4:23 - AHYERƐLƐ KRONGRON

²³ Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 4:23 Iomraidhean Croise

Edwein 103:3

Ye yeɛ ɔfa w’amumuyɛɛ amukoraa kyɛ wɔ ɔ, ye yeɛ ɔsa w’anwonyerɛ amukoraa ɔ;

Edwein 74:8

Bɛhane ye wɔ bɛ ti anu kyɛ, “Yɛkoli bɛ so ngonim bɔkɔɔ,” na bayera Nyameɛ nyianu nekaa biala wɔ aseɛ ne aso.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 12:9

Yesu fili berɛ hɔle bɛ nyianu sua nu.

Mateo 13:19

Ebiala bɔ ɔte ahennie ne nwo dwirɛ, ná ɔnde ye bo nen, bɔnefoɛ ne ba ɔbafoti bɔ balua ye wɔ ye ahone nu ne ɔkɔ; na ɛhe gyi berɛ ma mmakaammaa bɔ beguale atee noa ne.

Mateo 13:54

Na ɔhɔle ye bɔbɔ ye kuro nen, ɔyɛle ngyerɛkyerɛ hyirele bɛ wɔ bɛ nyianu sua nu maa bɛ nwo dwirili bɛ, na bebisale kyɛ, “Nisua yeɛ biaa he onyane sɔ nworɛ ne anwanwadeɛ tumi hemɔ fili ɔ?

Mateo 14:14

Ofili ɛlɛen ne anu dwuli ná onwuni mmenia wora nen, bɛyɛle ye anwumvo, na ɔsale bɛ nu ayarefoɛ nemɔ anwonyerɛ.

Mateo 24:14

Na bɛkɔhã ahennie ne nwo nzɛmba he wɔ ewiase amukoraa maa ɔkɔyɛ adanzeɛ kɔma maen maen amukoraa; koraka ná afei ayieleɛ ne awa.

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 9:35

Yesu hɔle nguro ne nguraa ne amukoraa so aporɔ yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba, na ɔsale anwonyerɛ ne anwommerɛlɛ amukoraa.

Marko 1:14

Na bɛhyele Yohane bɛtole kuku nu ne asi ne, Yesu wale Galilea ɔɔhane Nyameɛ ahennie ne nwo nzɛmba.

Marko 1:21

Na beedwuli Kapanɔm. Na afofikyẽa ne dwuli pɛ, ɔhɔle nyianu sua nu ɔɔyɛle ngyerɛkyerɛ.

Marko 1:39

Na ohyinini Galilea amukoraa hane nzɛmba ne wɔ bɛ nyianu sua nemɔ anu, na otutuli sunzummɔne mɔ.

Marko 3:10

Né wasa mmenia pee anwonyerɛ, na ɔnate sɔ ati, bɛ bɔ bɛnde apɔ amukoraa piane bɛ nwo wii kyɛ bekonya ye nu bɛkɔsɔ ɔ.

Marko 6:2

Na afofikyẽa dwuli nen, ɔhyɛle ye bo yɛle ngyerɛkyerɛ wɔ nyianu sua nu. Mmenia wora bɔ bɛtele ye ngyerɛkyerɛ nen, bɛ nwo dwirili bɛ, na bɛhane kyɛ, “Nisua yeɛ biaa he oosuane ɛhemɔ ye? Nworɛ beni yeɛ bafa bama ye sɔa ye? Ɔyɛ sɛɛ yeɛ ɔyɔ anwanwadeɛ hemɔ ye?

Marko 6:6

Na ɔyɛle ye nwanwa kyɛ banne banni ɔ. Na ohyinini nguraa nemɔ anu yɛle ngyerɛkyerɛ.

Luka 10:9

ɛ́mɔsa nu ayarefoɛ anwonyerɛ, ná ɛmɔhã behyire berɛ ama kyɛ, ‘Nyameɛ ahennie ne apingye ɛmɔ.’

Luka 13:10

Afofikyẽa bie, né Yesu ɔyɛ ngyerɛkyerɛ wɔ nyianu sua nemɔ ko anu.

Luka 16:16

“Mmeraa ne ne ngɔmhyɛlɛfoɛ nemɔ bɛpem Yohane so; na ofi sɔ mmerɛ ne, bɛ́ka Nyameɛ ahennie ne nwo nzɛmba ne, na ebiala pere kɔ nu.

Luka 20:1

Na ɔwale kyɛ ɛlɛho bie, bɔ né Yesu ɔyɛ ngyerɛkyerɛ kyire mmenia wɔ asɔneyɛɛ sua ne anu, ná osa kã nzɛmba nen, asɔfo mbanyi ne ahyerɛlɛfoɛ ne maen mbanyi bɛwale ye berɛ,

Luka 4:14

Yesu nate Sunzum tumi so sa wale Galilea, na ye nwo dwirɛ trɛ hɔle mbɔtam berɛ amukoraa bra yiale.

Luka 5:17

Na ɔwale kyɛ, ɛlɛho bie, né ɔyɛ ngyerɛkyerɛ. Né Farasiifoɛ ne mmeraa akyerɛkyerɛfoɛ bɛtete berɛ bie. Befili Galilea ne Yudea nguraa mukoraa nu ne Yerusalem yeɛ bɛwale ɔ; na né Awurade tumi wɔ ye so bɔ ɔfa sa anwonyerɛ ɔ.

Luka 6:17

Na ɔne bɛ bedwu bɛwale ne, oogyinane aseɛ frɛtɛɛ bie aso; ɔne ye asuafoɛ pee ne ɛlɔen pirikua bɔ befi Yudea amukoraa ne Yerusalem ne Tiro ne Sidon mboanoa, bɔ bɛwale kyɛ bɛbaatie ye dwirɛ ná bɛmaa ɔsa bɛ anwonyerɛ ɔ;

Luka 6:6

Afofikyẽa bieku, Yesu hɔle nyianu sua nu ɔɔyɛle ngyerɛkyerɛ. Né biaa bie wɔ berɛ bɔ ye sa famaa awu ɔ.

Luka 7:21

Na sɔ mmerɛ ne anu ala, Yesu sale mmenia pee anwonyerɛ ne ɛhawo, na otutuli bɛ sunzummɔne mɔ, na mmenia pee bɔ bɛ nye asi koso, ɔmaa benwuni nikye.

Luka 7:22

Yeɛ Yesu buale ɛbɔfoɛ nemɔ kyɛ, “Ɛmɔhɔ bɛɛhã bɔ ɛmɔanwu ye, ɔne bɔ ɛmɔate ɔ behyire Yohane, kyɛ anyesiniwaafoɛ benwu nikye, mmubuafoɛ bɛnate, kwatafoɛ nwo fi, asotiniwaafoɛ bɛte dwudwolɛ, awufoɛ betingye, na nzɛmba ne, bɛkã bekyire ehiafoɛ.

Luka 8:1

Na ɔwale kyɛ, ɛhe asi ne, ohyinini nguro ne nguraa biala nu hane Nyameɛ ahennie ne nwo nzɛmba hyirele, na né asuafoɛ buru ne nyɔ ne bɛboka ye so,

Luka 9:11

Na ɛlɔen ne tele nen, bɛpole ye; ye koso olele bɛ nyemene so, ɔhane Nyameɛ ahennie ne nwo dwirɛ hyirele bɛ, na ɔsale bɛ bɔ né behia anwonyerɛsalɛ ne anwonyerɛ.

Luka 9:60

Na Yesu sele ye kyɛ, “Ma awufoɛ besie b’awufoɛ. Nakoso wɔ de, kɔ ná kɔbɔ Nyameɛ ahennie ne nwo dawure.”

Yohane 18:20

Na Yesu buale ye kyɛ, “Me de, madwudwo pefee mahyire wiase; nyɛle me ngyerɛkyerɛ mmerɛ biala wɔ nyianu sua mɔ nu ne asɔneyɛɛ sua ne anu, nekaa bɔ Yudafoɛ amukoraa bɛbayia ɔ; na manga dwirɛ biala wɔ mvealeɛ nu.

Yohane 6:59

Mmerɛ bɔ né ɔ́yɛ ngyerɛkyerɛ wɔ Kapanɔm nyianu sua nu yeɛ ɔhane sɔ dwirɛ nemɔ ɔ.

Yohane 7:1

Na ɛhemɔ asi ne, Yesu hyinini Galilea; wanguro kyɛ ɔkɔhɔ Yudea, ofikyɛ né Yudafoɛ nemɔ bɛpena ye beku ye.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.

Asomafoɛ 20:25

“Na afei, ɛ́mɔtie. Mahyini ɛmɔ amukoraa so mahã Nyameɛ ahennie ne nwo dwirɛ, na kekesaala ye de, mese kyɛ ɛmɔ nu biala ngonwu me ko.

Asomafoɛ 28:31

Ɔhane Nyameɛ ahennie ne nwo dwirɛ; ɔyɛle ngyerɛkyerɛ fale Awurade Yesu Kristo nwo, na osili ye ahone yɔle sɔ nikyee ne bɔ ebiala anzi ye ate ɔ.

Romanfoɛ 10:15

Na sɛ banzoma mmenia a, ɔkɔyɛ sɛɛ ná babɔ edwirɛ ne dawure? Kyɛbɔ bahyerɛ ye kyɛ, “Bɛ bɔ bɛso ndɛenvɛen bɛnate ne, kyɛbɔ bɛ gya bo osi yɛ nyemene ɔ!”