Mateo 4:18 - AHYERƐLƐ KRONGRON

¹⁸ Né Yesu nate Galilea mboanoa, na onwuni aliɛmaa nyɔ bɔ bɛ ole Simɔn bɔ bɛfrɛ ye Petro, ɔne oliɛma Andrea kyɛ begua asawu ɛpo nu ɔ, ofikyɛ né bɛte mmenia bɔ bɛkɔ po ɔ.

Mateo 4:18 Iomraidhean Croise

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 3:10

Yiti bra. Mésoma wɔ maa ɛkɔ Faro berɛ ɛkɔye me mmenia Yisraelfoɛ efi Misraim!”

Hesekiel 47:10

Bekogyina ɛpo ne noa fi Ɛn Gedi bɔ ɔkwaadwu Ɛn Englaim, na berɛ yeɛ bɛkɔworɛ asawu mɔ nu ɔ. Nu naen mɔ kɔyɛ ahoroɔ pee, kyɛ ɛpo piri nu naen ahoroɔ pembepembe ne ala.

Numeri 34:11

na ɛwɛen ne kɔtorotoro kofi Sefam koodwu Ribla bɔ ɔwɔ Ayin eyia afiteleɛ ne. Ɛwɛen ne kɔtorotoro koodwu Kinerete Ɛpo eyia afiteleɛ ndoroleɛ nu.

Mateo 10:2

Asuafoɛ buru ne nyɔ nemɔ bɛ dumaa ɛhe: Bɔ oli moa, Simɔn bɔ bɛfrɛ ye Petro, yeɛ oliɛma Andrea; Yakobo bɔ ye baba ole Sebedeo ne, yeɛ oliɛma Yohane.

Mateo 15:29

Afei Yesu fili berɛ ɔɔfale Galilea ɛpo ne noa. Na ɔhɔle bokaa bie so ɔɔtenane ase.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Mateo 4:19

Yeɛ Yesu sele bɛ kyɛ, “Ɛ́mɔli me si, na ngɔma ɛmɔkɔhwehwe mmenia bɛkɔbrɛ me.”

Marko 7:31

Afei Yesu sa fili Tiro mbɔtam, na ɔɔpɛle nu wɔ Sidon, na ɔfale Dekapoli mbɔtam wale Galilea ɛpo ne anwo.

Luka 6:14

Simɔn bɔ ɔtole ye dumaa Petro ɔne oliɛma Andrea, Yakobo ne Yohane, Filipo ne Batolomeo,

Yohane 21:1

Ɛhe asi ye, Yesu yele ye nwo ali bieku hyirele asuafoɛ nemɔ wɔ Tiberia mboanoa, na kyɛbɔ ɔyele ye nwo ali hyirele bɛ ne ɛhe:

Yohane 6:1

Ɛhe asi ne, Yesu pɛle Galilea ɛpo bɔ besa bɛfrɛ ye Tiberia ɛpo ne hɔle ye si dɔ.

Yohane 6:8

Na ye asuafoɛ nemɔ nu ko bɔ oli Andrea, Simɔn Petro aliɛma ne, osele ye kyɛ,

Deuteronomi 3:17

Aseɛ ne, asue Yɔɔdan wɔ ye eyia atɔleɛ, wɔ Araba ne anu dɔ, fite Kinerete kɔpem Araba po bɔ besa bɛfrɛ ye Ngyee po ne, wɔ Pisiga bokaa ne aseɛnwo dɔ, wɔ eyia afiteleɛ.