Mateo 4:17 - AHYERƐLƐ KRONGRON

¹⁷ Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 4:17 Iomraidhean Croise

Mateo 10:7

Na ɛmɔkɔ a, ɛmɔhã kyɛ, ‘Nyameɛso ahennie ne apingye.’

Mateo 11:12

Na ofi Asubɔlɛniɛ Yohane aberɛ so bɔ ɔbaadwu ɛnɛ ye, nyameɛso ahennie ne ɔ́ba anyeborolɛ so; na bɛ bɔ bɛ nye aboro ne bɛfa ye anyeborolɛ so.

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Mateo 13:24

Yesu buli bɛ anyandera foforɛ kyɛ, “Nyameɛso ahennie ne, ɔte kyɛ biaa bie bɔ oluale mmakaammaa paa wɔ ye fieso ɔ.

Mateo 13:47

“Asa koso, nyameɛso ahennie ne, ɔte kyɛ asawu bɔ bɛto beguale ɛpo nu ná obungamone naen ahoroɔ pee ɔ;

Mateo 13:9

Bɔ ole asoɛ kotie ne, maa otie!”

Mateo 25:1

“Afei nyameɛso ahennie ne, yɛkɔfa yɛkɔto mmabunu buru biemɔ bɔ bɛfale bɛ nganea besili nu bɛhɔle kyɛ bɛkwaayia atɔmvorɛ biaa ne nwo.

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 6:10

W’ahennie ɔbra, Maa yɛyɔ w’apɛdeɛ wɔ aseɛ so, kyɛbɔ bɛyɔ ye wɔ nyameɛso ne.

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Luka 3:23

Yesu hyɛle ye adwuma ne abo nen, né wali afoɛ kɔyɛ aburasa. Ye baba (kyɛbɔ né mmenia bede bedi ne) ye ole Yosef bɔ ɔse ole

Luka 5:32

Mamma kyɛ mebaafrɛ teneneefoɛ, na mmom mmavrɛle bɔnefoɛ kyɛ bɛsakyera b’adwene.”

Luka 9:2

Afei ɔsomane bɛ kyɛ bɛɛbɔ Nyameɛ ahennie ne nwo dawure, ná bɛsa anwonyerɛ.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Hebrifoɛ 6:1

Yiti ɛ́mɔma yɛyakyi Kristo nwo ngwadaa ngwadaa ngyerɛkyerɛ ne, ná yɛfa yɛ ti yɛwura mbanyi nikyeesualɛ nu. Ɔnzɛ kyɛ yɛkɔhyɛ ye bo bieku yɛpena yɔleɛ basabasa nwo adwenesakyera ne Nyameɛ nu gyidie ko;