Mateo 4:15 - AHYERƐLƐ KRONGRON

¹⁵ “Sebulɔn aseɛ ne Nafetali aseɛ, bɔ ɔwɔ ɛpo atee ne aso dɔ, wɔ Yɔɔdan si, Galilea bɔ ɔte Amaenmaensofoɛ aseɛ;

Mateo 4:15 Iomraidhean Croise

1 Ahemvo 9:11

Tiro hene Hiram mane Solomon sida ne ɛframmire ne esikaa kɔkorɛ biala bɔ ohia ɔ. Ye sɔ ti, Solomon fale nguro tue aburanyɔ wɔ Galilea aseɛ so mane ye.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

Yesaya 9:1

Nakoso bɛ bɔ bɛ wora abɔ ne, b’amaneɛnwunɛ ne ngɔha berɛ. Daa ne, obuli Sebulɔn aseɛ ne Nafetali aseɛ animtia, nakoso kyẽa bie de, atee bɔ ɔla mboanoa ne, yeɛ aseɛ bɔ ɔwɔ Yɔɔdan si dɔ ne, ɔne Galilea bɔ ɔte Amaenmaensofoɛ mbɔtam ne, ɔkɔhyɛ bɛ animnyam.

Mateo 4:13

Otu fili Nasarɛte ɔɔtenane Kapanɔm bɔ ɔwɔ mboanoa, wɔ Sebulɔn ne Nafetali mbɔtam.

Mateo 4:14

Na ɛhe mane ngɔmhyɛlɛniɛ Yesaya dwirɛ bɔ ɔhane ne wale nu kyɛ,

Mateo 4:25

Na mmenia pee fili Galilea ne Dekapoli, Yerusalem, Yudea, yeɛ Yɔɔdan si dɔ beelili ye si.

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Yosua 20:7

Yiti bɛyele nguro hemɔ besiele berɛ: Kedese bɔ ɔwɔ Galilea, bɔ ɔwɔ Nafetali mmokaa aseɛ so, Sɛkem bɔ ɔwɔ Efraim mmokaa aseɛ so, ɔne Kiriate Aba (bɔ ye ole Hebron) bɔ ɔwɔ Yuda mmokaa aseɛ so ne.

Yosua 21:32

Bɛyele nguro hemɔ ne bɛ nwo aseɛ bɔ nyɛmmoa didi so ɔ befili Nafetali abusua kure nu bɛmane bɛ: Kedese bɔ ɔte mmenia bɔ bali awue nwo adwaabɔlɛ kuro bɔ ɔwɔ Galilea, Hamote Dɔɔ, yeɛ Katan. Bɛte nguro nza.