Mateo 4:11 - AHYERƐLƐ KRONGRON

¹¹ Yeɛ abɔnzam yakyili ye berɛ, na yieee, abɔfo mɔ wale bɛɛsole ye.

Mateo 4:11 Iomraidhean Croise

1 Ahemvo 19:6

Elia pagyale ye ti, na onwuni apiti bɔ bato ye nyɔboɛ hyerɛhyerɛ so ɔ, ɔne nzue bua ko kyɛ begyi nekaa bɔ ye ti la ne ɔ. Odidili none nzue, na osa fale nu lafele.

Mateo 26:53

Ɛdwene kyɛ mengɔhora ngɔsrɛ me Baba maa ɔngɔsoma abɔfo asafokure bɔ bɛbo buru ne nyɔ kekesaala ye maa bɛngɔɔboka me anaa?

Mateo 4:6

na osele ye kyɛ, “Sɛ wɔ ole Nyameɛ Awa ne a, to wɔ nwo ye aseɛnwo dɔ, ofikyɛ bahyerɛ kyɛ, ‘Wɔ ti, ɔkɔfa ahyɛdeɛ kɔma ye abɔfo mɔ, na bɛkɔsoa wɔ wɔ bɛ sa so, amaa ɔnate so wɔ gya ambura nyɔboɛ.’ ”

Marko 1:13

Olili ɛserɛ so berɛ eleburanna, na Abɔnzam sole ye neane. Né ɔne eburo ngaka mɔ yeɛ bɛwɔ berɛ ɔ, na abɔfo mɔ bɛɛsole ye.

Luka 22:43

Na abɔfo fili nyameɛso ɔɔyele ye nwo ali hyirele ye, na ɔhyɛle ye nguraen.

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Luka 4:13

Na abɔnzam yiele nzɔhwɛ ne amukoraa nen, ɔyakyili Yesu berɛ hɔle mmerɛ kãa.

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Hebrifoɛ 1:6

Nakoso mmerɛ bɔ Nyameɛ baasoma ye bamuɛbaa ne maa ɔba wiase ne de, ɔhane kyɛ, “Ɔsɛ kyɛ Nyameɛ abɔfo mukoraa bɛsɔne ye.”