Mateo 4:10 - AHYERƐLƐ KRONGRON

¹⁰ Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Mateo 4:10 Iomraidhean Croise

1 Aberɛso Dwirɛ 21:1

Abɔnzam dwɔso tiale Yisrael, na osili Dawide adua maa ɔhale Yisraelfoɛ bɛ somaa.

YOB NWOMAA NE 1:12

Yeɛ AWURADE sele Satan kyɛ, “Nea, nikyee biala bɔ ole ye ne, owura wɔ sa. Nakoso ye ngoa de, nnɛfa wɔ sa ka ye!” Yiti Satan fili AWURADE nyunu berɛ hɔle.

YOB NWOMAA NE 1:6

Ɛlɛho bie, Nyameɛ mma mɔ wale beegyinagyinane AWURADE nyunu, na Satan koso ɔfrale bɛ nu hɔle berɛ bie.

YOB NWOMAA NE 2:1

Ɛlɛho bie, Nyameɛ mma mɔ wale beegyinagyinane AWURADE nyunu bieku, na Satan koso ɔfrale bɛ nu hɔle berɛ kyɛ ɔkwaagyina AWURADE nyunu.

Edwein 109:6

Ye bɔnefoɛ maa ɔho tia ye; ma Abɔnzam ogyina ye sa famaa so.

Ɛksadɔso 23:25

AWURADE ɛmɔ Nyameɛ yeɛ odi kyɛ ɛmɔsɔne ye ɔ, na ngoyira ɛmɔ aleɛ ne ɛmɔ nzue so, ná maye anwonyerɛ mafi ɛmɔ so.

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Mateo 16:23

Na ɔkakyili ye nwo sele Petro kyɛ, “Dwɔso berɛ kɔ dɔ, Abɔnzam! Ɛte sundidua ma me; ofikyɛ nna Nyameɛ adwene yeɛ ɛdwene ɔ, na mmom ɛdwene kuro sona adwene.”

Marko 1:13

Olili ɛserɛ so berɛ eleburanna, na Abɔnzam sole ye neane. Né ɔne eburo ngaka mɔ yeɛ bɛwɔ berɛ ɔ, na abɔfo mɔ bɛɛsole ye.

Luka 10:18

Na osele bɛ kyɛ, “Nwuni Satan kyɛ ofi nyameɛso waatɔ ase kyɛ agralaa ɔ.

Luka 11:18

Na sɛ Satan koso ɔne ye nwo ko a, ɔkɔyɛ sɛɛ né ye ahennie agyina? Ofikyɛ, ɛmɔnwa Beɛsebul tumi yeɛ mefa metutu sunzummɔne mɔ ɔ.

Luka 13:16

Sɔ braa he, ɔte Abraham bosoniɛ bɔ Abɔnzam akyekye ye afoɛ buru ne mmɔtwɛ mumua ɛhe; aso ɔnzɛ kyɛ bɛsangye ye befi ɛkyekyelɛ he anu afofikyẽa anaa?”

Luka 22:3

Na Abɔnzam oowurale Yudase bɔ oli Yiskariote, bɔ ɔte asuafoɛ buru ne nyɔ nemɔ bɛ nu ko ne anu.

Luka 22:31

[Na Awurade sele kyɛ,] “Simɔn, Simɔn, tie, ahaa Abɔnzam kuro kyɛ ye sa kã ɛmɔ, ná ohuhu ɛmɔ so kyɛ aburoo.

Luka 4:8

Na Yesu buale ye kyɛ, “[Dwɔso berɛ kɔ dɔ, Satan!] ofikyɛ bahyerɛ kyɛ, Sɔne Awurade wɔ Nyameɛ, na ye ngome twe yeɛ so ye ɔ!’ ”

Yohane 13:27

Na olele paanoo sii ne nen, yeɛ Abɔnzam oowurale ye nu ɔ. Yeɛ Yesu sele ye kyɛ, “Bɔ ɛbaayɔ ne, yɔ ye ndɛ!”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Asomafoɛ 5:3

Na Petro bisale ye kyɛ, “Anania, nzu ati yeɛ ama abɔnzam ate maa walakalaka wɔ maa ali Sunzum Krongron ne ndurum, na afa aseɛ bɔ ɛtɔnene ne sikaa ne bie afea ɔ?

1 Korintofoɛ 5:5

odi kyɛ ɛmɔye sɔ sona ne bewura Abɔnzam sa maa ɔsɛkye ye nwoɔnaen ne, amaa ye sunzum anya daa ngoa wɔ Awurade Yesu kyẽa ne.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

2 Korintofoɛ 11:14

Na ɔnyɛ nwanwa! Ofikyɛ Abɔnzam po kakyi ye nwo kyɛ nahorɛ abɔfo.

2 Korintofoɛ 12:7

Na kyɛbɔ ɔkɔyɛ na mamva anwanwadeɛ nyekyire hemɔ mammoma me nwo so soma ne ati, bɛfale ɛhawo bie bawura me nwonaen nu, bɔ ɔte Abɔnzam bɔfoɛ, kyɛ ɔma nwu yealɛ, ná mammoma me nwo so.

2 Korintofoɛ 2:11

amaa Abɔnzam anni yɛ aminɛ, ofikyɛ yɛse ye atee bɔ ɔnate so ɔ.

Deuteronomi 10:20

AWURADE wɔ Nyameɛ yeɛ ɔsɛ kyɛ esuro ye ɔ; ye ngome twe yeɛ sɔne ye ɔ; ye yeɛ fa wɔ nwo bɔ ye ɔ, na ye dumaa yeɛ fa ta ndaen ɔ.

Yakobo 4:7

Yiti ɛ́mɔfa ɛmɔ nwo béwura Nyameɛ bo. Ɛ́mɔyere ɛmɔ nwo bési abɔnzam ate, na ɔkɔnwati kofi ɛmɔ nwo.

Yosua 24:14

“Yiti ɛ́mɔsuro AWURADE ná ɛ́mɔso ye ferengyemm ne nahorɛ nu. Na mmosoen bɔ ɛmɔ nana mɔ sole bɛ wɔ asue Yufreti asi dɔ, ɔne Misraim nen, ɛ́mɔgyi bégua ná ɛ́mɔso AWURADE.

1 Petro 5:9

Ɛ́mɔgyina pindinn wɔ gyidie nu bɛ́fa bési ye ate, ofikyɛ ɛmɔse kyɛ bafa sɔ amaneɛnwunɛ ne bato ɛmɔ aliɛma mɔ bɔ bɛwɔ ewiase amukoraa ɔ so, kyɛ bɛ koso benwu bie.

1 Samuel 7:3

Afei Samuel sele Yisrael awuro ama amukoraati kyɛ, “Sɛ ɛmɔ ahone nu paa yeɛ ɛmɔsa bɛba AWURADE berɛ a, nzaade ɔsɛ kyɛ ɛmɔye Amaenmaensofoɛ nyameɛ mɔ ne mmosoen Astarote befi ɛmɔ nu begyi begua. Ɔsɛ kyɛ ɛmɔtu ɛmɔ nwo besie berɛ bɔkɔɔ bɛma AWURADE, ná ɛmɔso ye ngome, na okole ɛmɔ kofi Filistifoɛ sa nu.”