Mateo 3:8 - AHYERƐLƐ KRONGRON

⁸ Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Mateo 3:8 Iomraidhean Croise

Yeremia 26:13

Yiti kekesaala ye, ɛ́mɔsakyera ɛmɔ adwene ne ɛmɔ yɔleɛ, ná ɛ́mɔtie AWURADE ɛmɔ Nyameɛ dwirɛ, na AWURADE kɔsesã ye adwene wɔ musue bɔ wahã kyɛ ɔkɔprapra kogua ɛmɔ so ne anwo.

Yeremia 36:3

Ebiaa Yuda awuro ama bɛkɔte musue amukoraa bɔ mayɛ m’adwene kyɛ ngɔprapra ngogua bɛ so ne, amaa ɔnate so ebiala asakyera ye adwene wafi ye bɔne atee nwo, ná mafa b’amumuyɛɛ ne bɛ bɔne mahyɛ bɛ.”

Mateo 21:32

Ofikyɛ Yohane fale tenenee atee so yeɛ ɔwale ɛmɔ berɛ ɔ, na ɛmɔanne ye banni. Nakoso ɛtoɔdidelɛfoɛ ne adwamanbɔlɛfoɛ de, belele ye belili; na ɛmɔnwuni ye sɔ ne po, ye si ye ɛmɔanzesã ɛmɔ adwene banne ye banni.”

Luka 3:8

Ɛ́mɔbɔ bra bɔ ɔfata adwenesakyera ɔ, na nnɛma ɛmɔhyɛ ye bo bɛkekã bekyirekyire ɛmɔ nwo kyɛ, ‘Abraham te yɛ nana’; na mekã mekyire ɛmɔ kyɛ, Nyameɛ kɔhora kotingye nnomaa kofi nyɔboɛ hemɔ anu kɔma Abraham.

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

Ɛfesofoɛ 5:9

ofikyɛ kanea mmaa bɔ osu ne, ɔda ali wɔ bra paa ne tenenee ne nahorɛ amukoraa nu;

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.