Mateo 3:7 - AHYERƐLƐ KRONGRON

⁷ Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Mateo 3:7 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Anyandera 28:4

Bɛ bɔ bɛmva mmeraa bɛnyɛ huu ne, bɛbɔ bɔnefoɛ aba so, nakoso bɛ bɔ bedi mmeraa so ne de, bɛko betia bɔnefoɛ.

Yesaya 59:5

Bɛkɔ ɛkyenebene ngyiremvua so abu bɛbobɔ bɛ, bɛnwo ananze ndendaen, ebiala bɔ odi bɛ ngyiremvua ne, owu, na sɛ ebie gyerɛgyerɛ bie a, ɛbɔnaa fi nu fite.

Yeremia 51:6

“Ɛ́mɔnwati béfi Babilɔn, ɛ́mɔma ebiala ɔpepɛ ole ye kra; nnɛmɔmaa ɔnate ye amumuyɛɛ ti ɛmɔ boso nua, ofikyɛ AWURADE ye wereɛtɔlɛ mmerɛ ne ɛhe, na okotua ye so kerɛ.

Yeremia 6:10

Nwa yeɛ ndwudwo ngyire ye mmɔ ye kɔkɔ maa otie ɔ? Nea, batuatua bɛ so, bɛngora bɛnde dwirɛ. Nea, AWURADE dwirɛ ne te ngorohoɛ dwirɛ ma bɛ; bɛ nye ngye ye nwo.

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

Mateo 15:12

Yeɛ ye asuafoɛ nemɔ wale beesele ye kyɛ, “Farasiifoɛ nemɔ bɛtele sɔ dwirɛ ne nen, aso ɛse kyɛ wanyɛ bɛ fɛ ɔ?”

Mateo 16:1

Farasiifoɛ ne Sadusiifoɛ wale kyɛ bɛbaaso Yesu bɛnea, yiti besele ye kyɛ ɔyɔ sɛngyerɛnneɛ bɔ ofi nyameɛso ɔ ma bɛnea.

Mateo 16:6

Yeɛ Yesu sele bɛ kyɛ, “Ɛ́mɔnea yé; ɛ́mɔnea ɛmɔ nwo yé wɔ Farasiifoɛ ne Sadusiifoɛ mɔle harewaa nwo!”

Mateo 22:15

Yeɛ Farasiifoɛ mɔ bɛhɔle bɛɛbɔle porɛ kyɛbɔ bɛkwafa edwirɛ bɛkɔtetɛ Yesu noa ɔ.

Mateo 22:23

Ɛlɛho ne ala, Sadusiifoɛ bɔ bɛnwa awufoɛ dwɔsolɛ nne berɛ ne, bɛwale Yesu berɛ beebisale ye kyɛ,

Mateo 22:34

Na mmerɛ bɔ Farasiifoɛ nemɔ bɛtele kyɛ Yesu noa abɔ Sadusiifoɛ nemɔ nen, beeyiale neka horɛ,

Mateo 23:33

Ewoo, ɛkyenebene mmaa! Ɔkɔyɛ sɛɛ né ɛmɔahora banwati bafi amaneɛnwunɛ kuro ndɛenbualɛ ne anu?

Mateo 5:20

Yiti mekã mekyire ɛmɔ kyɛ, sɛ ɛmɔ tenenee andra ahyerɛlɛfoɛ ne Farasiifoɛ deɛ a, ye de ɛmɔ gya baa ngotia nyameɛso ahennie ne anu.

Marko 12:13

Na bɛsomane Farasiifoɛ biemɔ ne Herodefoɛ biemɔ maa bɛhɔle Yesu berɛ, kyɛ bɛɛfa edwirɛ besua ye ngaen.

Marko 12:18

Na Sadusiifoɛ bɔ bɛnwa awufoɛ dwɔsolɛ nne berɛ ne, bɛwale Yesu berɛ beebisale ye kyɛ,

Marko 8:15

Na Yesu bɔle bɛ kɔkɔ kyɛ, “Ɛ́mɔnea yé, ɛ́mɔnea ɛmɔ nwo yé wɔ Farasiifoɛ mɔle harewaa ne Herode mɔle harewaa nwo.”

Luka 16:14

Na Farasiifoɛ bɔ bɛ nye boro sikaa ne, bɛtele edwirɛ hemɔ amukoraa nen, bɛserele ye.

Luka 18:11

Na Farasiiniɛ ne gyinane berɛ bɔle mbaeɛ ye ti anu kyɛ, ‘O Nyameɛ, meda wɔ ase kyɛ me de, nnde kyɛ mmenia ngaa ne ɔ: apoobɔlɛfoɛ, ngondombofoɛ, agyaasɛkyelɛfoɛ, anaakyɛ ɛtoɔdidelɛniɛ he po.

Luka 7:30

Nakoso Farasiifoɛ ne mmeraa nwo nimdeɛfoɛ nemɔ de, bɛpole Nyameɛ botaeɛ bɔ ɔwɔ berɛ ma bɛ ne, na bamma bammɔ bɛ asu.)

Yohane 1:24

Na ɛbɔfoɛ mɔ bɔ Farasiifoɛ nemɔ somane bɛ ne,

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Yohane 9:40

Yeɛ Farasiifoɛ ne anu biemɔ bɔ né bɛwɔ ye nwo berɛ ne, bɛtele sɔ dwirɛ ne, na bebisale ye kyɛ, “Yɛ koso, yɛte anyesiniwaafoɛ anaa?”

Asomafoɛ 15:5

Nakoso agyidifoɛ biemɔ bɔ befi Farasiifoɛ fekue ne anu bedwɔso begyinane, na bɛhane kyɛ, “Ɔsɛ kyɛ Amaenmaensofoɛ bɛpɛ bɛ bienzua, ná bɛhyɛ bɛ maa bedi Mose mmeraa ne aso.”

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

Asomafoɛ 26:5

Bɛse me dada, na sɛ bekoli adanzeɛ po a, ofi ye ahyɛaseɛ ne amukoraa, nde Farisii fekue bɔ odi yɛ som mmeraa so pɛpɛɛpɛ ne anu niɛ.

Asomafoɛ 5:17

Ɔsɔfo panyi paa ne, ɔne bɛ bɔ bɛboka ye so bɔ befi Sadusiifoɛ fekue ne anu ne, bɛ nye borole asomafoɛ nemɔ, yiti bɛyɛle adwene kyɛ bɛkɔyɔ ye nwo nikye.

Romanfoɛ 1:18

Na bɛda Nyameɛ ahonehulɛ ne ali befi nyameɛso bɛfa betia mmenia bɔ benzuro Nyameɛ ná bɛ yɔleɛ ndengyɛ, bɔ bɛfa b’amumuyɛɛ so besi nahorɛ ne nwo atee ɔ.

Romanfoɛ 5:9

Yiti sɛ ɔnate ye mogya so wabua yɛ be de a, né nzaade ɔkɔfa Kristo so kole yɛ kofi ye ahonehulɛ ne anu maa ɔkɔbo so.

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.