Mateo 3:2 - AHYERƐLƐ KRONGRON

² Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 3:2 Iomraidhean Croise

1 Ahemvo 8:47

nakoso sɛ bɛ nye ba bɛ nwo so wɔ aseɛ bɔ bahye bɛ nnure bahɔ so ne aso, benu bɛ nwo, ná besu bɛfrɛ wɔ wɔ mmenia bɔ baali bɛ sa nu ne b’aseɛ so kyɛ, ‘Yayɔ bɔne, yayɔ mvomsoɛ; yayɔ amumuyɛɛ’ɛ

YOB NWOMAA NE 39:12

Aso ede ye di kyɛ okosa kɔwa, kyɛ ɔkɔfa w’aburoo ne kɔwa nekaa bɔ bɛboro aburoo ɔ?

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Mateo 10:7

Na ɛmɔkɔ a, ɛmɔhã kyɛ, ‘Nyameɛso ahennie ne apingye.’

Mateo 11:20

Nguro bɔ Yesu yɔle ye nnwumaa mbiri mbiri pee wɔ nu ne, banzakyera b’adwene, yiti ɔhyɛle ye bo hwili bɛ nyunu kyɛ,

Mateo 12:41

Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Mateo 13:24

Yesu buli bɛ anyandera foforɛ kyɛ, “Nyameɛso ahennie ne, ɔte kyɛ biaa bie bɔ oluale mmakaammaa paa wɔ ye fieso ɔ.

Mateo 13:31

Yesu buli bɛ anyandera bieku kyɛ, “Nyameɛso ahennie ne, ɔte kyɛ sinapi baa ko bɔ biaa bie fa ooluale ye wɔ ye fieso ɔ.

Mateo 13:33

Yesu buli bɛ anyandera foforɛ bieku kyɛ, “Nyameɛso ahennie ne, ɔte kyɛ mɔle harewaa bɔ braa bie fa forale esam kongo nza maa odwuli kyɛ ye mukoraa tuli ɔ.”

Mateo 13:47

“Asa koso, nyameɛso ahennie ne, ɔte kyɛ asawu bɔ bɛto beguale ɛpo nu ná obungamone naen ahoroɔ pee ɔ;

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Mateo 18:23

Ye sɔ ati, nyameɛso ahennie ne, ɔte kyɛ ɛhene bie bɔ né ɔpena kyɛ ɔne ye ngoaa bebu ngondaa ɔ.

Mateo 20:1

“Nyameɛso ahennie ne, ɔte kyɛ eboo mene bie bɔ ngyerɛmɔ tutuutu ɔhɔle kyɛ ɔkwaabɔ adwumayɔlɛfoɛ paa maa bɛyɔ adwuma wɔ ye bobe boo nu ɔ.

Mateo 22:2

“Nyameɛso ahennie ne, ɔte kyɛ ɛhene bie bɔ ɔtole atɔmvorɛ poen mane ɔwa bienzua ɔ.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 25:1

“Afei nyameɛso ahennie ne, yɛkɔfa yɛkɔto mmabunu buru biemɔ bɔ bɛfale bɛ nganea besili nu bɛhɔle kyɛ bɛkwaayia atɔmvorɛ biaa ne nwo.

Mateo 25:14

“Afei koso, [nyameɛso ahennie ne,] ɔte kyɛ biaa bie bɔ né ɔbaatu atee kɔ nekaa bie, bɔ ɔfrɛle ye bɔbɔ ye ngoaa mɔ, ná ɔfale ye nningyein wurale bɛ sa ɔ.

Mateo 4:17

Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 5:10

“Bɛ bɔ tenenee ti bɛtane bɛ nye ne, banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Mateo 6:10

W’ahennie ɔbra, Maa yɛyɔ w’apɛdeɛ wɔ aseɛ so, kyɛbɔ bɛyɔ ye wɔ nyameɛso ne.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Marko 1:15

Na ɔhane kyɛ, “Mmerɛ ne adwu, na Nyameɛ ahennie ne wapingye, yiti ɛ́mɔsakyera ɛmɔ adwene, ná ɛmɔle nzɛmba ne beli.”

Marko 1:4

Yiti Yohane wale ɔɔbɔle asu wɔ ɛserɛ so, na ɔhane adwenesakyera asubɔlɛ nwo nzɛmba bɔ ɔmaa benya bɔnefakyɛ ɔ.

Marko 6:12

Yiti besili nu bɛɛbɔle edwirɛ ne dawure kyɛ odi kyɛ mmenia sakyera b’adwene.

Luka 1:16

Na ɔkɔma Yisraelfoɛ pee bekosa bɛkɔwa Awurade bɛ Nyameɛ berɛ.

Luka 11:20

Nakoso sɛ Nyameɛ sa mmɛseka yeɛ mefa metu sunzummɔne mɔ a, né nzaade Nyameɛ ahennie ne anya awa ɛmɔ so.

Luka 13:3

Mekã mekyire ɛmɔ kyɛ, daabi. Nakoso sɛ ɛmɔanzakyera ɛmɔ adwene a, sɔ ala yeɛ ɛmɔ amukoraa ɛmɔkowu ɔ.

Luka 13:5

Daabi, na mekã mekyire ɛmɔ kyɛ, sɛ ɛmɔanzakyera ɛmɔ adwene a, sɔ ala yeɛ ɛmɔkowu ɔ.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Luka 16:30

Na osele kyɛ, ‘Daabi, Ngya Abraham; nakoso sɛ ebie fi awufoɛ nu kɔ bɛ berɛ a, yeɛ bɛkɔsakyera b’adwene ɔ.’

Luka 21:31

Sɔ ala yeɛ ɛmɔ koso, sɛ ɛmɔnwu kyɛ sɔ nningyein hemɔ besisi a, odi kyɛ ɛmɔnwu kyɛ Nyameɛ ahennie ne apingye.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Luka 6:20

Na Yesu mane ye nye so neane ye asuafoɛ nemɔ, na osele kyɛ, “Ɛmɔ, ehiafoɛ, ɛmɔanya saleɛ, ofikyɛ ɛmɔ yeɛ Nyameɛ ahennie ne ɔte ɛmɔ deɛ ɔ!

Luka 9:2

Afei ɔsomane bɛ kyɛ bɛɛbɔ Nyameɛ ahennie ne nwo dawure, ná bɛsa anwonyerɛ.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

Hebrifoɛ 6:1

Yiti ɛ́mɔma yɛyakyi Kristo nwo ngwadaa ngwadaa ngyerɛkyerɛ ne, ná yɛfa yɛ ti yɛwura mbanyi nikyeesualɛ nu. Ɔnzɛ kyɛ yɛkɔhyɛ ye bo bieku yɛpena yɔleɛ basabasa nwo adwenesakyera ne Nyameɛ nu gyidie ko;

2 Petro 3:9

Awurade ndwetwe ye gya ase wɔ ye bɔhyɛ nwo, kyɛbɔ ebiemɔ bɛdwene kyɛ ɔkyɛ ne. Aboterɛ mmom yeɛ ole ye wɔ yɛ nwo ɔ, ɔmbena kyɛ sona biala mini, na mmom ɔpena kyɛ ebiala ba adwenesakyera nu.

Nyekyire 2:21

Mama ye mmerɛ kyɛ ɔfa sakyera fi ye adwamanbɔlɛ nu, nakoso wanzakyera.

Nyekyire 2:5

Yiti kaye tebea bɔ efili nu fini ase ne, ná sakyera w’adwene, ná yɔ nnwumaa bɔ ɛyɔle ye daa ne! Na sɛ anyɔ sɔ a, ngɔwa wɔ so ndɛndɛ, ná maaye wɔ kanea bakaa ne mafi ye boso, sana ɛsakyera w’adwene.