Mateo 3:17 - AHYERƐLƐ KRONGRON

¹⁷ na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Mateo 3:17 Iomraidhean Croise

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 42:21

Na ɔnate kyɛ AWURADE tengyɛ ne ati, ye nye gyele kyɛ ɔkɔpagya mmeraa ne maa okonya animnyam ɔ.

Lewitikɔso 15:15

Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Luka 9:35

Afei edwudwolɛ bie fili munungum ne anu hane kyɛ, “Ɛhe ole Mma bɔ maneanea nu maye ye ne; ɛ́mɔtie ye!”

Yohane 5:20

Ofikyɛ Baba ne kuro Baa ne dwirɛ, na okyire ye nikyee biala bɔ ye bɔbɔ ɔyɔ ɔ; na okohyire ye nnwumaa mbiri mbiri bɔ bɛtra ɛhemɔ ɔ, ná wayɛ ɛmɔ nwanwa.

Yohane 5:37

Na Baba ne bɔ ɔsomane me ne, ye bɔbɔ wali me nwo adanzeɛ. Ɛmɔttele ye komvi le, yeɛ ɛmɔnnwuni ye sue le;

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

2 Petro 1:17

Ofikyɛ mmerɛ bɔ onyane anidie ne animnyam fili Baba Nyameɛ berɛ, ná komviɛ bie fili Animnyam Totohyia ne berɛ wale ye berɛ kyɛ, “Mma bɔ ɔla m’ahone nwo ná me nye gye ye nwo paa ne ɛhe” nen,

1 Yohane 5:9

Na sɛ yɛde kuro sona adanzeɛ yɛto nu a, nzaade Nyameɛ adanzeɛ deɛ ne di mu tra so. Ofikyɛ ɛhe te Nyameɛ adanzeɛ bɔ wali wafa Ɔwa ne nwo ɔ.

Nyekyire 14:2

Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.