Mateo 3:15 - AHYERƐLƐ KRONGRON

¹⁵ Yeɛ Yesu buale ye kyɛ, “Ma ate maa yɛyɔ ye sɔ kekesaala ye, na yɛyɔ bɔ Nyameɛ ahyehyɛ ne.” Yiti Yohane penene so.

Mateo 3:15 Iomraidhean Croise

Yesaya 42:21

Na ɔnate kyɛ AWURADE tengyɛ ne ati, ye nye gyele kyɛ ɔkɔpagya mmeraa ne maa okonya animnyam ɔ.

Mateo 3:14

Yohane yɛle kyɛ ahaa osi ye ate, Ɔnwa, “Wɔ yeɛ ɛfata kyɛ ɛbɔ me asu ɔ, na afei wɔ yeɛ ɛ́ba me berɛ ɔ?”

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Yohane 13:15

Ofikyɛ mama ɛmɔ ye nwo nhwɛsoɛ, na kyɛbɔ mayɔ mama ɛmɔ ne, ɛmɔ koso bɛ́yɔ sɔ ala.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 8:29

Na bɔ ɔsomane me ne, ɔboka me so; ɔyyakyili me ngome nu, ofikyɛ meyɔ bɔ ɔsɔ ye nye mmerɛ biala.”

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

1 Yohane 2:6

Na ebiala bɔ ɔnwa ɔne Nyameɛ atira abiɛngoɛ nen, odi kyɛ ye koso ɔbɔ ye bra kyɛbɔ Kristo bɔle ye deɛ ne.