Mateo 3:12 - AHYERƐLƐ KRONGRON

¹² Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Mateo 3:12 Iomraidhean Croise

YOB NWOMAA NE 21:18

Pɛen nyɛɛ yeɛ mvrama ɔbɔ bɛ kɔ kyɛ ɛserɛ ɔ? Pɛen nyɛɛ yeɛ mvrama piri ɔbɔ bɛ kɔ kyɛ afafu ɔ?

Edwein 1:4

Nakoso amumuyɛɛfoɛ de, nna sɔ yeɛ bɛte ɔ, na mmom bɛte kyɛ afafu bɔ mvrama hu ye kɔ ɔ.

Edwein 35:5

Maa bɛyɛ kyɛ afafu bɔ mvrama hu ye kɔ ɔ, ma AWURADE abɔfo osumu bɛ gua.

Yesaya 1:31

Anwoserɛniɛ kɔyɛ kyɛ mmɛyeram worowaa, ye sa noa adwuma kɔyɛ kyɛ see nzramaa, na ɔne ye sa noa adwuma ne bɛkɔyera bɛkɔbɔ nu, bɔ ebiala nne berɛ bɔ okonua ye ɔ.

Yesaya 17:13

Maen maen mɔ bɛyɛ dede kyɛ asue mɔ bɔ bɛse wuruwuru ɔ, nakoso Nyameɛ twi bɛ nyunu, na bɛnwati bɛkɔ dede, ɔfoa bɛ kyɛ afafu bɔ mvrama bɔ ye fi bokaa so ɔ, kyɛ mvuture bɔ ɔpɛ ye nwo wɔ mvrama piri nu ɔ.

Yesaya 27:4

M’ahone atɔ nzue nu. Sɛ menwu agurɛ ne mmowue a, ahaa ngɔfa koɛ ngɔtoa bɛ, ahaa ngɔyera bɛ ngɔbɔ nu.

Yesaya 28:28

Kuaniɛ otĩ ayuo yeɛ ɔfa yɛ paanoo ɔ, yiti onhia kyɛ ɔkɔboro ayuo ne kɔhyɛ ɔ. Na sɛ ɔfa ye teaseɛnam mɔ bɛ gya otwi fa so, ná ɔma ye mbɔngɔ natenate so a, ondi ayuo ne.

Yesaya 30:24

Na nandwie mɔ ne afunum mɔ bɔ bɛyɔ fieso adwuma ne, bekoli aleɛ paa bɔ bafa ɛkorɛ ne kɛndɛen bahuhu so ɔ.

Yesaya 41:16

Ekohuhu bɛ so, mvrama kɔbɔ bɛ kɔhɔ, na mvrama bɔ ɔpɛ ye nwo ɔ kɔto bɛ kɔsande. Na afei ekoli ahurusi wɔ AWURADE nu, na ɛkɔhoahoa wɔ nwo wɔ Yisrael Krongronniɛ ne anu.

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Yeremia 15:7

Mafa huhuamoa mahuhu bɛ so wɔ aseɛ ne aso pambim nemɔ anu; mahũhũ bɛ mma mɔ, masɛkye me maen ne; ofikyɛ banza bɛ si bamvi bɛ yɔleɛ anwo.

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 4:11

Sɔ mmerɛ ne, bɛkɔhã bekohyire maen he ne Yerusalem kyɛ, “Mvrama hyerɛhyerɛ bie kɔbɔ kofi mmokaa pralaa nemɔ aso, wɔ ɛserɛ so kɔhɔ me maen mmaa so, bɔ ongohuhu bɛ so yeɛ ɔngɔte bɛ nwo ɔ.

Yeremia 51:2

Ngɔsoma mmenia bɔ behuhu so ɔ maa bɛkɔhɔ Babilɔn, na bekohuhu ye so, ná babɔ ye maen ne tɔɔ, ofikyɛ amaneɛnwunɛ kyẽa ne, bɛkɔfa koɛ bɛkɔteta ye bɛkɔbra bekoyia.

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Hosea 13:3

Yiti bɛkɔyɛ kyɛ ngyerɛmɔ munungum, kyɛ bosue bɔ ɔpɛ nu kɔ ndɛndɛ ɔ, kyɛ afafu bɔ mvrama bɔ ɔpɛ ye nwo ɔ, ɔbɔ ye fi nekaa bɔ bɛboro aburoo ɔ, kyɛ nwosina bɔ otu fa mboma nu kɔ ɔ.

Amose 9:9

“Ofikyɛ tie, ngɔfa ahyɛdeɛ ngɔma, na ngohuhu Yisrael awuro ama so wɔ maen maen amukoraa nu, kyɛbɔ behuhu aburoo so wɔ huhuamoa nu ɔ, nakoso aburoo ne kaaba ko po ngɔtɔ ase.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 13:30

Ɛ́mɔma bɛ munyɔ benyi bɛbɔ nu maa oodwu ye telɛ mmerɛ ne. Na ye telɛ mmerɛ ne yeɛ ngose mmenia bɔ bɛte ne kyɛ: Ɛ́mɔli moa betutu ngyɛngyɛma ne, ná ɛmɔkyekye bɛ tiretire bɛyera bɛ; nakoso atokoɔ ne de, ɛ́mɔboaboa ye noa bɛ́fa beegua me pata so.’ ”

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 13:42

na bekogyi bɛ bekogua see wuronyiwuronyi nu, nekaa bɔ mmenia kosũ ná banwose bɛ gye ɔ.

Mateo 13:43

Na teneneefoɛ kɔta kyɛ eyia wɔ bɛ Baba ahennie ne anu. Bɔ ole asoɛ ne, maa otie!

Luka 3:16

Na Yohane buale bɛ mukoraa kyɛ, “Me de, mefa nzue yeɛ mebɔ ɛmɔ asu ɔ; nakoso ebie ɔ́ba bɔ odi mu tra me ɔ, bɔ ye mbaboa nyamaa po memvata kyɛ mesangye ɔ. Na ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Luka 3:17

Ye huhuamoa tira ye sa nu, kyɛ ɔfa prapra ye nekaa bɔ bɛboro aburoo ne ma berɛ yɛ sannwuu, ná ɔboaboa atokoɔ ne noa ogua ye pata so; nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Yohane 15:2

Me nwo mmaen biala bɔ onzu mmaa ne, ɔpɛ to; na mmaen biala bɔ osu mmaa ne de, ɔye ye nwo, amaa ɔnate so wasu mmaa pee.