Mateo 3:11 - AHYERƐLƐ KRONGRON

¹¹ Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Mateo 3:11 Iomraidhean Croise

Yesaya 4:4

mmerɛ bɔ AWURADE kɔfa ndɛenbualɛ sunzum so ne ɛyeralɛ sunzum so kobia Sion mma mmrasua nwo fiɛ kogua, ná wanwunzi mogya bɔ Yerusalem ahã agua ne.

Yesaya 44:3

Ofikyɛ ngohwie nzue ngogua aseɛ bɔ nzuhɔen ku ye ne aso, yeɛ ngɔma asue mmaa mmaa kɔwa aseɛ wosee ne aso; ngohwie me Sunzum ngogua wɔ boso ama so, ná mahwie me saleɛ magua wɔ mma so.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Marko 1:4

Yiti Yohane wale ɔɔbɔle asu wɔ ɛserɛ so, na ɔhane adwenesakyera asubɔlɛ nwo nzɛmba bɔ ɔmaa benya bɔnefakyɛ ɔ.

Luka 1:17

Ɔkɔfa Elia sunzum ne ye tumi koli ye nyunu kɔkakyi seɛ mɔ b’adwene kɔwa mma mɔ so ɔne asoserɛfoɛ kɔhɔ teneneefoɛ nworɛ nwo, na okosiesie maen bɔ waboaboa ye nwo ɔ kɔma Awurade.”

Luka 3:16

Na Yohane buale bɛ mukoraa kyɛ, “Me de, mefa nzue yeɛ mebɔ ɛmɔ asu ɔ; nakoso ebie ɔ́ba bɔ odi mu tra me ɔ, bɔ ye mbaboa nyamaa po memvata kyɛ mesangye ɔ. Na ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Luka 3:3

Yiti ohyinini asue Yɔɔdan nwo aseɛ ne aso amukoraa hane adwenesakyera asubɔlɛ nwo nzɛmba bɔ ɔmaa benya bɔnefakyɛ ɔ;

Yohane 1:15

Yohane lili ye nwo adanzeɛ, na ɔteane nu hane kyɛ, “Ɛhe ole bɔ ngane ye nwo dwirɛ kyɛ, ‘Bɔ oli me si ɔ́ba ne, odi mu tra me, ofikyɛ né ɔwɔ berɛ koraka yeɛ meba ɔ.’ ”

Yohane 1:30

Ɛhe ole bɔ ngane ye nwo dwirɛ kyɛ, ‘Biaa bie li me si ɔ́ba bɔ odi mu tra me ɔ, ofikyɛ né ɔwɔ berɛ koraka yeɛ meba ɔ.’

Asomafoɛ 1:5

Yohane de, ɔfale nzue yeɛ ɔbɔle asu ɔ; na ɛmɔ de, ɔngɔhyɛ biala Nyameɛ kɔfa Sunzum Krongron ne yeɛ ɔkɔbɔ ɛmɔ asu ɔ.”

Asomafoɛ 19:4

Na Pɔɔlo sele kyɛ, “Nahorɛ nu, Yohane bɔle adwenesakyeralɛ asu, na ɔhã hyirele maen ne kyɛ béle bɔ oli ye si ɔ́ba, bɔ ye ole Yesu ne béli.”

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Asomafoɛ 8:38

Na ɔmane teaseɛnam ne gyinane, na bɛ munyɔ bedwu bɛhɔle nzue ne anu, Filipo ne sayɛɛ ne, na ɔbɔle ye asu.

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.