Mateo 28:7 - AHYERƐLƐ KRONGRON

⁷ Yiti ɛmɔhã ɛmɔ nwo bɛhɔ, ná ɛ́mɔbɔ ye asuafoɛ nemɔ amaneɛ kyɛ watingye wafi awufoɛ nu. Na ɛ́mɔtie, ódi ɛmɔ nyunu moa kɔ Galilea, na berɛ yeɛ ɛmɔkonwu ye ɔ!’ Ɛ́mɔtie, mahã mahyire ɛmɔ.”

Mateo 28:7 Iomraidhean Croise

Yesaya 44:8

Nnɛma ɛmɔsuro, yeɛ nnɛma ɛmɔ kunu tete ɛmɔ! Aso manga mangyire ɛmɔ mammɔ ye nwo dawure fi tetetete? Na ɛmɔte m’adanzefoɛ. Aso nyameɛ bie wɔ berɛ boka me so hɔ ɔ? Nyɔbotaen biala nne berɛ; ebie nne berɛ bɔ mese ɔ.”

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Mateo 24:25

Ɛ́mɔtie! Mali moa mahã mahyire ɛmɔ dada.

Mateo 26:32

Nakoso me wutingyelɛ asi ne, ngoli ɛmɔ nyunu moa ngɔhɔ Galilea.”

Mateo 28:10

Yeɛ Yesu sele bɛ kyɛ, “Nnɛma ɛmɔsuro; na ɛmɔɔhã behyire nniɛma nemɔ kyɛ bɛhɔ Galilea, na dɔ yeɛ bekonwu me ɔ.”

Mateo 28:8

Yiti bele esuronyi ne anigye befili asieleɛ ne aso ndɛndɛ bɛhɔle; na betuli amirika bɛɛbɔle ye asuafoɛ nemɔ amaneɛ.

Marko 14:28

Nakoso me wutingyelɛ asi ne, ngoli ɛmɔ nyunu moa ngɔhɔ Galilea.”

Marko 16:10

Na ye koso ɔɔbɔle bɛ bɔ bɛ ne Yesu natele, bɔ né bɛ wora abɔ ná besu ne amaneɛ.

Marko 16:13

Na besale bɛ si bɛɛbɔle bɛ ngaa ne amaneɛ, na banne bɛ koso banni.

Luka 24:34

bɔ begu so bɛkã kyɛ, “Awurade adwɔso amba, na waye ye nwo ali wahyire Simɔn.”

Yohane 14:29

Afei mahã mahyire ɛmɔ koraka ná wawa nu; amaa sɛ ɔba nu a, ɛmɔale bali.

Yohane 16:4

Na mahã ɛhemɔ mahyire ɛmɔ, amaa sɛ mmerɛ ne dwu a, ɛmɔakaye kyɛ nga ngyirele ɛmɔ. Na manga ɛhemɔ mangyire ɛmɔ ahyɛaseɛ ne, ɔnate kyɛ né me ne ɛmɔ yeɛ yɛwɔ berɛ ɔ.

1 Korintofoɛ 15:4

Besiele ye, na ye ɛlɛsa so odwɔso fili ewue nu, kyɛbɔ Ahyerɛlɛ ne kã ne.

1 Korintofoɛ 15:6

Ɛhe asi ye, ɔyele ye nwo ali hyirele agyidifoɛ bɔ bɛbo ɛyaa nnu mmerɛ komapɛ, bɔ bɛ nu pee tɛte ase, ná ebiemɔ koso balela ɔ.