Mateo 28:6 - AHYERƐLƐ KRONGRON

⁶ Ɔnne wa; ofikyɛ watingye, kyɛbɔ ɔhane ne ala. Ɛmɔbra bɛɛnea nekaa bɔ né ɔla ne.

Mateo 28:6 Iomraidhean Croise

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Mateo 16:21

Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Mateo 17:23

na bekohu ye, na ye ɛlɛsa so okotingye.” Na ɔyɛle bɛ aworabɔ paa.

Mateo 17:9

Na befi bokaa ne aso bɛtorotoro bɛba nen, Yesu hyɛle bɛ kyɛ, “Nnɛma ɛmɔbɔ bɔ ɛmɔanwu ye ne aso bekyire ebiala kɔpem kyɛ Sona Awa ne kotingye kofi awufoɛ nu ɔ.”

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 27:63

na bɛhane kyɛ, “Yɛ mene, yɛkaye kyɛ sɔ nnakannakaniɛ ne ɔte ase ne, ɔhane kyɛ, ‘Ɛlɛsa asi ne, ngotingye’

Marko 16:6

Na osele bɛ kyɛ, “Nnɛmɔma ɛmɔ kunu te ɛmɔ. Ɛmɔpena Nasarɛteniɛ Yesu bɔ bɛbɔle ye mmeamudua nu ne. Watingye, ɔnne wa. Ɛ́mɔnea nekaa bɔ bɛfale ye bɛtole ɔ!

Marko 8:31

Na ɔhyɛle ye bo hyirehyirele bɛ kyɛ, odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa so otingye.

Luka 24:12

[Na Petro dwɔsole, ole amirika hɔle asieleɛ ne aso, ɔkotole huli ye nye ase neane nu, na onwuni kyɛ nwera ne gua ahameɛ; na ofili berɛ hɔle awuro, na bɔ wasi ne yɛle ye nwanwa.]

Luka 24:23

nakoso bannwu ye fuin ne; na besa bɛwale bɛɛbɔle amaneɛ kyɛ abɔfo biemɔ yele bɛ nwo ali hyirele bɛ po, maa bɛhane kyɛ ɔte ase.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 10:17

“Na ye sɔ ati, Baba ne kuro me dwirɛ, ofikyɛ mefa me ngoa meto berɛ, amaa ɔnate so masa mafa ye bieku.

Yohane 2:19

Na Yesu buale bɛ kyɛ, “Ɛ́mɔdwiri asɔneyɛɛ sua he bégua, na ngɔfa ɛlɛsa ngɔpagya ye ngosie berɛ bieku.”

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.