Mateo 28:18 - AHYERƐLƐ KRONGRON

¹⁸ Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Mateo 28:18 Iomraidhean Croise

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Edwein 89:27

Ngɔfa ye ngɔyɛ me bamuɛbaa, aseɛ so ahemvo amukoraa bɛ nu titire paa.

Anyandera 8:15

Ahemvo mɔ fa me so yeɛ bedi hene ɔ, na atitirefoɛ fa me so yeɛ bɛhyɛ mmeraa bɔ ɔtengyɛ ɔ;

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 13:3

Né Yesu se kyɛ Baba ne afa nningyein amukoraa wawura ye sa, kyɛ ofi Baba ne berɛ yeɛ ɔwale ɔ, na ɔ́kɔ Baba ne berɛ;

Yohane 17:2

kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Yohane 3:31

Bɔ ofi nyameɛso ba ne, odi mu tra mmenia mukoraa. Bɔ ofi aseɛ so ne, ɔte aseɛ so deɛ, na aseɛ so dwirɛ yeɛ ɔkã ɔ; na bɔ ofi nyameɛso ba ne, odi mu tra mmenia mukoraa.

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Romanfoɛ 14:9

Ɛhe ati yeɛ Kristo wuli na otingyele ɔ, amaa wayɛ awufoɛ ne teasefoɛ b’Awurade.

1 Korintofoɛ 15:27

Ofikyɛ wafa nningyein mukoraa wayɛ ye gya bo ndiasoɛ. Nakoso sɛ ɔkã kyɛ nningyein mukoraa ayɛ ye gya bo ndiasoɛ a, nu la pefee kyɛ bɔ ɔfale nningyein mukoraa yɛle ye gya bo ndiasoɛ ne de, ɔbboka so.

Kolosefoɛ 2:10

Na ɛmɔali mu bɔkɔɔ wɔ ye nu, ye bɔ ɔte tumi ne ahennie amukoraa bɛ ti.

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Hebrifoɛ 2:8

na ɛfale nningyein mukoraa wurale ye gya bo.” Na sɛ ɔkã kyɛ Nyameɛ fale “nningyein mukoraa wurale ye bo” a, né okyire kyɛ nikyee biala nne berɛ bɔ wamva wanwura ye bo ɔ. Nakoso kekesaala ye de, yɛnnya yɛnnwuni kyɛ wafa nningyein mukoraa wawura ye bo.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”