Mateo 27:66 - AHYERƐLƐ KRONGRON

⁶⁶ Yiti bɛhɔle bɛɛfale nikyee bɛtale nyɔboɛ ne noa, na bɛmane wɛmvoɛ mɔ wɛnene asieleɛ ne.

Mateo 27:66 Iomraidhean Croise

Daniel 6:17

Yeɛ bɛfale nyɔboɛ bie beenwini tuin ne anoa, na ɛhene ne fale ye bɔbɔ ye nzɔanoɛ pɛteaa ne ye mbanyi mɔ nzɔanoɛ mbɛteaa sɔle nyɔboɛ ne noa, kyɛbɔ ɔkɔyɛ bɔ ebiala sesã bɔ wato Daniel a ɔngɔyɛ yee ɔ.

Mateo 27:60

na ɔfale ye tole ye bɔbɔ (Yosef) asieleɛ kumaa foforɛ bɔ wapɛ ye nyɔbotaen nu wato berɛ ɔ nu. Omununi nyɔboɛ pirikua bie katale asieleɛ ne noa, na ofili berɛ hɔle.

Mateo 27:65

Na Pilato sele bɛ kyɛ, “Asraafoɛ ɛhe! Ɛ́mɔfa bɛ bɛhɔ bɛɛwɛne kyɛbɔ ɛmɔkɔhora ɔ.”

Mateo 28:11

Na mmerɛ bɔ bɛ́kɔ nen, yieee, awɛmvoɛ nemɔ bie wale kuro ne anu bɛɛfale bɔ wasisi ne amukoraa bɛbɔle asɔfo mbanyi nemɔ amaneɛ.

Mateo 28:2

Na yieee, aseɛ wosole serɛserɛ; ofikyɛ Awurade abɔfo fili nyameɛso dwuli ase oomununi nyɔboɛ ne fili asieleɛ ne noa, na ɔtenane so.

Marko 16:4

Nakoso bɛmane bɛ ti so nen, benwuni kyɛ nyɔboɛ ne amunu ato ahameɛ; né ɔte piri paa.

Yohane 20:1

Na dapɛn ne anu kyẽa bɔ oli moa ne, ngyerɛmɔ tutuutu bɔ né awosii tɛwɔ nu ne, Maria Magdalene wale asieleɛ ne aso, na onwuni kyɛ baye nyɔboɛ ne bafi asieleɛ ne noa.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Yosua 10:18

Na Yosua sele kyɛ, “Ɛ́mɔmunu nyɔbotaen bétua nyɔboɛ bɔ wasi sua ne noa, ná ɛ́mɔma mmenia gyinagyina ye nwo bɛ́wɛne.

Nyekyire 20:3

na ofindini ye tole aseɛ bo dɔ kumaa kuronguronn ne anu, ɔtole ye nu, na ɔfale nzɔanoɛ tale ye noa, kyɛbɔ ɔkɔyɛ bɔ ɔngɔlakalaka maen maen mɔ ko kɔpem kyɛ afoɛ apee ko ne kɔso ɔ. Nakoso ɛhe asi ne, odi kyɛ bɛyakyi ye mmerɛ kãa bie.