Mateo 27:52 - AHYERƐLƐ KRONGRON

⁵² asieleɛ mɔ so bukyebukyele, na mmenia krongron bɔ né balela nemɔ, bɛ nu pee tingyetingyele;

Mateo 27:52 Iomraidhean Croise

2 Ahemvo 13:21

Mmerɛ bɔ Yisraelfoɛ wɔ so bɔ besie biaa bie ne, benwuni Moabofoɛ koɛhonɛfoɛ bɔ bɛbɔ apaa ɔ. Yiti begyili fuin ne bɛtole Elisa asieleɛ ne anu. Biaa ne fuin ne hane Elisa mmowue pɛ, otingyele fili ewue nu, na odwɔsole gyinane ye gya so.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Yohane 11:11

Yesu hane sɔ dwirɛ nemɔ nen, ye si ye osele bɛ kyɛ, “Yɛ damvo Lasarɔso walafe, nakoso mekwaatingye ye.”

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

1 Korintofoɛ 11:30

Ɛhe ati yeɛ ɛmɔ nu pee bayɛ mmerɛ ná bɛ nwo yɛ bɛ yea, na pee koso bawuwu ɔ.

1 Korintofoɛ 15:20

Nakoso ɔte nahorɛ kyɛ batingye Kristo bafi ewue nu amaa wayɛ bɛ bɔ balela ne anu bakaa mmaa bɔ oli moa ɔ.

1 Korintofoɛ 15:51

Ɛmɔtie, mekã mvealeɛ nu dwirɛ mekyire ɛmɔ; yɛ mukoraa yɛngɔlela, na yɛkɔkakyi.

1 Tɛsalonikafoɛ 4:14

Na sɛ yɛde yɛdi kyɛ Yesu wuli ná osa tingyele de a, nzaade Nyameɛ kɔfa bɛ bɔ balela nemɔ kɔfa Yesu so kɔboka ye so kɔwa.

1 Tɛsalonikafoɛ 5:10

Ye yeɛ owu mane yɛ ɔ, amaa sɛ yɛte ase oo, yɛwu oo, yɛne ye yaatena.