Mateo 27:46 - AHYERƐLƐ KRONGRON

⁴⁶ Na ɔbɔle kɔyɛ eyia nnɔnmmiɛnza ne, Yesu teane nu serɛserɛ hane kyɛ, “Eli, Eli, lama sabaktani?” Bɔ ye bo kyire kyɛ, “Me Nyameɛ, Me Nyameɛ, nzu ati yeɛ apo me ye?”

Mateo 27:46 Iomraidhean Croise

Edwein 22:1

Me Nyameɛ, me Nyameɛ, nzu ati yeɛ apo me ye? Nzu ati yeɛ mepene mepena mmokalɛ, nakoso aye wɔ nye afi me so ye?

Edwein 71:11

Bɛkekã kyɛ, “Nyameɛ apo ye, yiti ɛ́mɔfoa ye bɛhye ye, ofikyɛ ongonya defoɛ biala.”

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Awuye 1:12

“Ɛmɔ bɔ ɛmɔpɛ nu wa amukoraa, aso ɔmva ɛmɔ nwo? Ɛ́mɔnea ná ɛ́mɔnwu ye, sɛ aworabɔlɛ bie wɔ berɛ, bɔ ɔte kyɛ m’aworabɔlɛ bɔ wato me ye, bɔ AWURADE aprapra wagua me so, wɔ ye yaafɛlɛ piri kyẽa ne anu ye.

Mateo 27:47

Na mmenia bɔ né begyigyi berɛ ne bie tele sɔ dwirɛ nen, bɛhane kyɛ, “Ɔ́frɛ Elia!”

Marko 15:34

Na ɔbɔle eyia nnɔnmmiɛnza ne, Yesu teane nu serɛserɛ hane kyɛ, “Eloi, Eloi, lama sabaktani?” Bɔ ye bo kyire kyɛ, “Me Nyameɛ, me Nyameɛ, nzu ati yeɛ apo me ye?”

Luka 23:46

Afei Yesu teane nu serɛserɛ kyɛ, “Baba, wɔ sa nu yeɛ mefa me sunzum mewura ɔ!” Na ɔhane ɛhe ne, ɔhale nu.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.