Mateo 27:4 - AHYERƐLƐ KRONGRON

⁴ na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Mateo 27:4 Iomraidhean Croise

1 Ahemvo 21:27

Ahabo tele sɔ dwirɛ ne nen, osunzuale ye bɔbɔ ye ndaadeɛ nu, na ɔherale ɛsɛen tena. Ɔyɔle akɔngyere, ɛsɛen tena yeɛ ɔfa gurɔle ye nwo ɔ, na olili aworabɔlɛ.

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

YOB NWOMAA NE 13:4

Na ɛmɔ de, ɛmɔ noa nu yeɛ ɛmɔbobɔ ɔ, ɛmɔ amukoraa bɛte safoɛ bɔ mvasoɛ nne ɛmɔ so ɔ.

YOB NWOMAA NE 16:2

“Edwirɛ sɔaa mɔ de, mate pee, ɛmɔ amukoraa bayɛ kyɛ ɛmɔdodo me, nakoso ɛmɔgoro me nwo!

Edwein 94:21

Bɛbɔ nu bɛbɔ teneneefoɛ nwo porɛ kyɛ bekohu bɛ, na bebua bɛ bɔ bedi be ɔ foɛ kyɛ behũ bɛ.

Ɛksadɔso 12:31

Na Faro tole ye sa frɛle Mose ne Aarɔn kɔngɔen ne sele bɛ kyɛ, “Ɛmɔ ne Yisraelfoɛ, ɛmɔhã bɛ nwo befi me maen ye anu bɛhɔ! Ɛmɔhɔ bɛɛsɔne AWURADE, kyɛbɔ ɛmɔaha ne.

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Yona 1:14

Yiti bɛteane nu besu bɛfrɛle AWURADE kyɛ, “Ao AWURADE, yɛsrɛ wɔ, akoaa he wue ne, nnɛmaa yiti yɛwuwu, yeɛ nnɛmaa yɛdi mogya bɔ odi be ɔ nwo fɔ, ofikyɛ wɔ, AWURADE, bɔ ekuro yeɛ ayɔ ɔ.”

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Luka 23:22

Obisale bɛ ye pɛen nza so kyɛ, “Nzu ɔ? Nzikyɛ bɔne yeɛ wayɔ ɔ? Me de, mennwu nikyee biala bɔ wayɔ bɔ ɔfata kyɛ beku ye ɔ; yiti ngofi ye mbire, ná mayakyi ye.”

Luka 23:41

Yɛ deɛ ne de, ɔfata yɛ; ofikyɛ bɔ yayɔ ne, ye nwo akatuaa yeɛ yanya ye ne; nakoso biaa he de, ɔyyɔle bɔne nikyee biala bɔ ɔtte mayee ɔ.”

Luka 23:47

Na asraafoɛ ɛyaa so panyi ne nwuni bɔ wasi nen, ɔyele Nyameɛ ayɛ, na ɔhane kyɛ, “Amba, biaa he te teneneeniɛ!”

Yohane 19:7

Yeɛ Yudafoɛ nemɔ buale ye kyɛ, “Yɛ de, yɛle mmeraa, na yɛ mmeraa ne kyire kyɛ ɔsɛ kyɛ owu ɔ, ofikyɛ ɔyɛle ye nwo Nyameɛ Awa ne.”

Asomafoɛ 13:28

Ɔwɔ nu kyɛ bannya edwirɛ biala bangyina so bamva bammua ye kumfɔ de, nakoso bɛsrɛle Pilato kyɛ ɔma behũ ye.

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

1 Timoteo 4:2

bɔ ɔnate ngondombo nnakannakafoɛ bɔ bɛ tiboa awu so ɔ.

Tito 1:16

Bekyire kyɛ bɛse Nyameɛ, nakoso bɛfa bɛ yɔleɛ bɛpo ye; bɛte akyiwadeɛyɔlɛ mmenia, asoserɛfoɛ, bɔ bɛngora bɛnyɔ nikye paa biala ɔ.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

1 Samuel 15:24

Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.

1 Samuel 15:30

Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”

1 Samuel 19:5

Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”