Mateo 27:35 - AHYERƐLƐ KRONGRON

³⁵ Na bɛbɔle ye mmeamudua nu nen, beguale serewa bɛhyɛle ye ndaadeɛ ne, [amaa ɔnate so, bɔ ngɔmhyɛlɛniɛ ne hane ne wawa nu kyɛ: bɛhyɛle me ndena nu bɛfale, na beguale serewa bɛhyɛle me ndaadeɛ.]

Mateo 27:35 Iomraidhean Croise

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Edwein 22:18

Bɛkyɛ me ndena bɛfa, na begua serewa bɛkyɛ me ndaadeɛ.

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Yohane 20:20

Na ɔhane sɔ nen, ɔfale ye sa nu ne ye mvenu hyirele bɛ. Na asuafoɛ nemɔ nwuni Awurade nen, bɛ nye gyele.

Yohane 20:25

Yiti asuafoɛ ngaa nemɔ bɔle ye amaneɛ kyɛ, “Yanwu Awurade.” Nakoso obuale bɛ kyɛ, “Sɛ mannwu ye sa nu mberɛgoo ne boso, ná mamva me sa mmɛseka manga mberɛgoo ne boso, na mamva me sa manga ye mvenu a, mengole ngoli.”

Yohane 20:27

Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 4:10

ye de ɛmɔ amukoraa ne Yisrael maen amukoraa, ɔsɛ kyɛ Nasarɛteniɛ Yesu Kristo bɔ ɛmɔbɔle ye mmeamudua nu, ná Nyameɛ tingyele ye fili awufoɛ nu ne, ye dumaa nu yeɛ wama biaa he bɔ ogyi ɛmɔ nyunu wa ye ye nwo asa ɔ.