Mateo 27:32 - AHYERƐLƐ KRONGRON

³² Na befili berɛ bɔ bɛkɔ nen, beyiale Kireneniɛ bie bɔ bɛfrɛ ye Simɔn; na bɛhyɛle ye maa ɔsoale Yesu mmeamudua ne.

Mateo 27:32 Iomraidhean Croise

1 Ahemvo 21:10

Ɛ́mɔma mmienzua asanzafoɛ nyɔ bɛtena ye nyunu ndendeneɛ so, ná ɛ́mɔma bɛ́bɔ ye kwaadu kyɛ, ‘Ahã musue dwirɛ atia Nyameɛ ne Nana Ahabo.’ Na afei ɛ́mɔfa ye befite bɛɛboro ye nyɔboɛ behũ ye.”

1 Ahemvo 21:13

Asanzafoɛ nyɔ nemɔ wale bɛɛtenane Nabɔto nyunu ndendeneɛ so. Na asanzafoɛ nemɔ bɔle Nabɔto kwaadu wɔ dwaa ne anu kyɛ, “Nabɔto ahã musue dwirɛ watia Nyameɛ ne Nana Ahabo.” Yiti ɛlɔen ne fale Nabɔto bɛhɔle kuro ne tiwaa bɛɛborole ye nyɔboɛ behuni ye.

Lewitikɔso 4:12

kaka ne mumua ne, odi kyɛ ɔsoa kɔ asikyeleɛ ne asi nekaa bɔ berɛ te sannwuu, nekaa bɔ bɛto nzoen begua ɔ, ná ɔ́yera ye wɔ see so. Nekaa bɔ bɛto nzoen begua ne yeɛ odi kyɛ ɔyera ye ɔ.

Lewitikɔso 4:21

Na odi kyɛ ɔsoa nandwie nyii ne kɔ asikyeleɛ ne asi dɔ, ná ɔ́yera ye kyɛbɔ ɔyerale nandwie nyii bɔ oli moa ne; ɔte bɔne nwo afɔleɛ ma maen ne.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 5:41

Sɛ ebie hyɛ wɔ so kyɛ ɛnate pɛ kwanzii ko a, ɛne ye bɛhɔ kwanzii nyɔ.

Marko 15:21

Na bɛhyɛle Kireneniɛ Simɔn bɔ ɔte Aleksandro ne Rufu bɛ baba, bɔ né ofi namue nu ɔbaapɛ nu ɔ, maa ɔsoale Yesu mmeamudua ne.

Luka 23:26

Na bɛ́fa ye bɛ́kɔ nen, bɛhyele Simɔn bie bɔ ofi Kirene, bɔ né ofi namue nu ɔba ɔ, na bɛfale mmeamudua ne bɛtole ye so, kyɛ ɔsoa li Yesu si.

Yohane 19:17

Yiti bɛfale Yesu bɛhɔle. Na ɔsoale ye mmeamudua ne fili berɛ oodwuli nekaa bie bɔ bɛfrɛ berɛ “Tire Kokuroka so,” bɔ Hebri nu bɛfrɛ ye Golgota.

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 2:10

Frigyea ne Pamfilia, Misraim ne Libia aseɛ bɔ opingye Kirene. Yɛ nu biemɔ koso fi Rome,

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Asomafoɛ 7:58

Bɛhwene ye befili kuro ne anu bɛɛborole ye nyɔboɛ. Na adanzefoɛ nemɔ yeyele bɛ ndaadeɛ mane aberandeɛ bie bɔ bɛfrɛ ye Sɔɔlo kyɛ ɔnea so ma bɛ.