Mateo 27:30 - AHYERƐLƐ KRONGRON

³⁰ Bɛfefele nwɔserɛ beguale ye nwo, na belele ye sa nu elemmire ne bɛfa befifini ye ti anu.

Mateo 27:30 Iomraidhean Croise

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Yesaya 52:14

Na kyɛbɔ ɔyɛle mmeni pee bɔ benwuni ye ne nwanwa, ofikyɛ ye nyunu mengyemengyele, bɔ né onzoma sona, bɔ né ye sona sue deɛ onzoma kuro sona deɛ ne ati,

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yesaya 53:7

Bɛfale ye bɛfale yealɛ nu, yeɛ bepurapurale ye, nakoso wammukye ye noa, kyɛ boaen bɔ bɛ ne ye kɔ akumyɛɛ ɔ, kyɛ boaen bɔ watɔ mumu wɔ bɛ bɔ bɛpepɛ ye nwiaa bɛ nyunu ɔ, sɔ ala yeɛ wammukye ye noa ɔ.

Mika 5:1

Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Mateo 26:67

Afei bɛfefele nwɔserɛ beguale ye nyunu, bɛbobɔle ye, yeɛ ebiemɔ bobɔle ye nye so

Marko 10:34

Bɛkɔgoro ye nwo, bɛkɔfefe nwɔserɛ bekogua ye nwo, bekofi ye mbire, ná bahu ye, na ye ɛlɛsa ne aso okotingye.”

Marko 14:65

Na ebiemɔ hyɛle ye bo bɛfefele nwɔserɛ beguale ye nwo, bɛkatale ye nye, na bɛbobɔle ye, na besele ye kyɛ, “Hyɛ ngɔm!” Na asomvoɛ nemɔ bobɔle ye nye so.

Marko 15:19

Yeɛ bɛfale mbire befifini ye ti anu, bɛfefele nwɔserɛ beguale ye nwo, na beguale ndwerɛ bɛbɔle bɛ ti ase wɔ ye nyunu.