Mateo 27:3 - AHYERƐLƐ KRONGRON

³ Yudase bɔ ɔyele ye mane ne, mmerɛ bɔ onwuni kyɛ babua Yesu ewue foɛ nen, onuni ye nwo, na ɔfale ɛdwetɛ aburasa ne sa brɛle asɔfo mbanyi ne maen mbanyi nemɔ,

Mateo 27:3 Iomraidhean Croise

YOB NWOMAA NE 20:5

kyɛ bɔnefoɛ ngɔsoɛ ɔndena berɛ ngyɛ, ɔne kyɛ sona bɔ ɔnze Nyameɛ ne, ye anigye te tikaape bie ɔ?

Ɛksadɔso 21:32

Sɛ nandwie ne si kanganiɛ bienzua anaa brasua a, odi kyɛ nandwie mene ne tua ɛdwetɛ sekel aburasa ma kanganiɛ ne mene; na nandwie ne koso, ɔsɛ kyɛ bɛboro ye nyɔboɛ beku ye.

Sakaria 11:13

Yeɛ AWURADE sele me kyɛ, “Gyi gua ngukuenwonɛniɛ ne berɛ.” Nyɔboɛ bɔ odi mu bɔ bɛbɔle kyɛ bɛfa bɛtɔ me hɔ ɛne. Yiti mvale ɛdwetɛ aburasa ne, na ngyi nguale ngukuenwonɛniɛ ne berɛ wɔ AWURADE awuro berɛ.

Yohane 13:2

Na nɔsoa bɔ bɛbaadidi nen, né abɔnzam anya afa awura Yudase Yiskariote, Simɔn awa ne, ye ti anu kyɛ ɔye Yesu ma.

Yohane 13:27

Na olele paanoo sii ne nen, yeɛ Abɔnzam oowurale ye nu ɔ. Yeɛ Yesu sele ye kyɛ, “Bɔ ɛbaayɔ ne, yɔ ye ndɛ!”

Yohane 18:3

Yiti Yudase fale asraafoɛ kure ne awɛmvoɛ bɔ befi asɔfo mbanyi ne Farasiifoɛ nemɔ berɛ ɔ wale berɛ; ná ne betiratira ɛtɛen, nganea ne akodeɛ.

Asomafoɛ 1:18

(Sɔ Yudase ne, ɔfale sikaa bɔ onya fili ye amumuyɛɛ ne anu tɔle aseɛ, na ye kɔme ɔɔwɔle berɛ nen, ye ko pakyele, na ye nyaa mukoraa tu guale.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.