Mateo 27:25 - AHYERƐLƐ KRONGRON

²⁵ Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

Mateo 27:25 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Numeri 35:33

Nnɛma ɛmɔfa efiɛ bɛka aseɛ bɔ ɛmɔte so ne, ofikyɛ mogya ma efiɛ ka aseɛ ne. Na mogya bɔ bɛkɔhã bekogua aseɛ ne aso ne, mbata biala ngɔhora ngɔte aseɛ ne anwo, sana sona bɔ waha sɔ mogya wagua ne, ye mogya ala.

Mateo 21:44

Na ebiala bɔ okofi ase kɔtɔ nyɔboɛ he aso ne, okobubu ye nu ahuronzi ahuronzi; yeɛ sɛ ɔte tɔ ebie so a, okonuku ye nyokonyoko.”]

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Deuteronomi 19:10

Na ɛhe ngɔma bɛngɔhã mogya bɔ odi be bengogua aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso, ná anni mogya nwo fɔ.

Deuteronomi 19:13

Nnɛnwu ye anwumvoin; tu mogya bɔ odi be nwo foɛlilɛ bo fi Yisrael, ná wayie wɔ yé.

Yosua 2:19

Na sɛ ɛmɔ nu bie fi w’awuro wa fite kɔ dwaaso de a, ye de ye bɔbɔ deinn ye wue kɔbɔ ye ti so, na yɛnni ye wue nwo fɔ. Nakoso bɛ bɔ bɛkɔɔboka wɔ so wɔ awuro wa ne de, sɛ ebie fa ye sa ka bɛ nu biala a, ye de ye wue kɔbɔ yɛ ti so.