Mateo 27:24 - AHYERƐLƐ KRONGRON

²⁴ Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”

Mateo 27:24 Iomraidhean Croise

Edwein 26:6

Menwunzi me sa mefa mekyire kyɛ menni fɔ, na mepɛ w’afɔleɛ bokyea ne anwo mebra meyia, ao AWURADE;

Yeremia 2:27

bɛkã bekyire bakaa kyɛ, ‘Me se ole wɔ,’ yeɛ bɛkã bekyire nyɔboɛ kyɛ, ‘Wɔ yeɛ ɛwole me ɔ.’ Ofikyɛ bɛ si yeɛ bakakyi bama me ɔ, na nna bɛ nyunu ɔ. Nakoso sɛ bɛkɔ amaneɛ nu a, bɛkã kyɛ, ‘Dwɔso pepɛ de yɛ e!’

Yeremia 2:35

ɛnwa, ‘Medi be, amba, ɔngɔfɛ me so yaa.’ Afei ɔnate kyɛ ahã kyɛ, ‘Nnyɔle bɔne’ ne ati, mebaabua wɔ ndɛen.

Mateo 26:5

Na bɛhane kyɛ, “Yɛngɔyɔ sɔ wɔ aluolue ne abo, anyɔ a né mmenia ayɔ basabasa wɔ maen ne anu.”

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Mateo 27:23

Yeɛ Pilato bisale bɛ kyɛ, “Nzu ɔ, nzikyɛ bɔne yeɛ wayɔ ɔ?” Na bɛteateane nu serɛserɛ kyɛ, “Maa bɛbɔ ye mmeamudua nu!”

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 27:9

Na ɛhe mane bɔ ngɔmhyɛlɛniɛ Yeremia hane ne wale nu kyɛ, “Na belele ɛdwetɛ aburasa ne, nyɔboɛ bɔ Yisraelfoɛ bɛbɔle kyɛ sɔ yeɛ odi ɔ, bɔ bɛfa bɛyɛle ye ti nyɔboɛ bɛtɔle ye ɔ,

Yohane 13:9

Na Simɔn Petro sele ye kyɛ, “Awurade, nnɛnwunzi me gya bo ngome, na me sa ne me ti so koso.”

Yohane 19:4

Yeɛ Pilato fite wale bieku, na osele bɛ kyɛ, “Ɛ́mɔtie, méfa ye mebrɛ ɛmɔ, ma ɛmɔnwu ye kyɛ mennwu kyɛ odi fɔ biala ɔ.”

Asomafoɛ 3:14

Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,