Mateo 27:22 - AHYERƐLƐ KRONGRON

²² Na Pilato bisale bɛ kyɛ, “Nzaade nzikyɛ yeɛ mva nyɛ Yesu bɔ bɛfrɛ ye Kristo ne ɔ?” Na bɛ mukoraa bɛhane kyɛ, “Maa bɛbɔ ye mmeamudua nu!”

Mateo 27:22 Iomraidhean Croise

YOB NWOMAA NE 31:31

yiti m’awuroama banga ye le kyɛ, ‘aso ebie wɔ berɛ bɔ ɔmaa ɔhɔle bɔ wamma ye ko anyi ɔ?’

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Mateo 1:16

Yakob wole Yosef bɔ ɔye ole Maria bɔ ɔwole Yesu bɔ bɛfrɛ ye Kristo ne.

Mateo 27:17

Yiti beyiale nen, Pilato bisale bɛ kyɛ, “Bɛ nu nwa yeɛ ɛmɔkuro kyɛ meyakyi ye mema ɛmɔ ɔ? Baraba anaa Yesu bɔ bɛfrɛ ye Kristo ne?”

Mateo 27:21

Yeɛ amrado ne sa bisale bɛ kyɛ, “Mmenia nyɔ ye, bɛ nu beni yeɛ ɛmɔkuro kyɛ meyakyi ye mema ɛmɔ ɔ?” Na bebuale kyɛ, “Baraba!”

Mateo 27:23

Yeɛ Pilato bisale bɛ kyɛ, “Nzu ɔ, nzikyɛ bɔne yeɛ wayɔ ɔ?” Na bɛteateane nu serɛserɛ kyɛ, “Maa bɛbɔ ye mmeamudua nu!”

Marko 14:55

Na asɔfo mbanyi ne badwafoɛ nemɔ amukoraa bɛpenane adanzeɛ bɔ bɛkɔfa bekotia Yesu, bɔ bekogyina so bekohu ye ɔ, nakoso bannya bie;

Yohane 4:25

Yeɛ braa ne sele ye kyɛ, “Mese kyɛ Mɛsaya (bɔ bɛfrɛ ye Kristo) ne ɔ́ba, na sɛ ɔba a, ye yeɛ okohyire yɛ nningyein amukoraa ɔ.”

Asomafoɛ 13:28

Ɔwɔ nu kyɛ bannya edwirɛ biala bangyina so bamva bammua ye kumfɔ de, nakoso bɛsrɛle Pilato kyɛ ɔma behũ ye.

Asomafoɛ 13:38

Ɔnate sɔ ne ati, aliɛmaa mɔ, yɛma ɛmɔnwu ye kyɛ ɔnate Yesu so yeɛ bɛbɔ bɔnefakyɛ dwirɛ ne dawure bekyire ɛmɔ ye;