Mateo 27:2 - AHYERƐLƐ KRONGRON

² Bɛkyekyele ye, na bɛfale ye bɛhɔ beewurale amrado Pontio Pilato sa.

Mateo 27:2 Iomraidhean Croise

Gyenesise 22:9

Na bedwuli nekaa bɔ Nyameɛ hyirele Abraham nen, Abraham sili afɔleɛ bokyea berɛ, na ɔfale eyein ne guaguale so yé. Afei ɔkyekyele ɔwa Yisake, na ɔfale ye tole eyein ne aso wɔ afɔleɛ bokyea ne aso.

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 28:14

Na sɛ amrado ne te sɔ dwirɛ ne a, yɛkohyirehyire nu yɛkohyire ye, ná ɛmɔ nwo angyere ɛmɔ.”

Luka 13:1

Sɔ mmerɛ ne ala nu, né mmenia biemɔ wɔ berɛ, na bɛhane Galileafoɛ bɔ Pilato fale bɛ mogya frafrale b’afɔleɛ mɔ ne nwo dwirɛ behyirele ye.

Luka 20:20

Yiti bɛtetɛle ye. Na bɛsomane mmenia biemɔ bɔ bayɛ bɛ nwo kyɛ bɛte mmeni paa ɔ maa bɛhɔle ye berɛ, kyɛ bɛɛfa dwirɛ besua ye ngaen, ná bagyina so baye ye bawura amrado tumi ne ye mmeraa sa.

Luka 23:1

Afei mmenia worawora ne amukoraa bedwɔsole, na bɛfale ye bɛhɔle Pilato nyunu.

Luka 23:12

Na sɔ kyẽa ne ala, Herode ne Pilato bɛfale abiɛngoɛ; ofikyɛ daa ne de, né bɛyaka.

Luka 3:1

Na Kaesare Tiberio ahennie afoɛ bɔ ɔtɔ so buru ne nnu ne, bɔ né Pontio Pilato te amrado wɔ Yudea nen, bɔ né Herode yeɛ ɔnea Galilea manzini ne aso ne, né oliɛma Filipo yeɛ ɔnea Yiturea ne Trakoniti manzini nemɔ aso ɔ, yeɛ né Lisania koso ɔne Abilene manzini so ɔ.

Yohane 18:12

Yeɛ asraafoɛ kure ne ne bɛ safohene ne ne Yuda asomvoɛ nemɔ bɛhyele Yesu, na bɛkyekyele ye.

Yohane 18:24

Yeɛ Anase maa bɛfale nyamaa bɛkyekyele ye bɛfale ye bɛɛmane ɔsɔfo panyi paa Kaifa.

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.

Asomafoɛ 12:6

Sɔ kyẽa ne kɔngɔen, bɔ Herode yɛle kyɛ aleɛ kye a ɔkɔye Petro kɔwa badwa nu ne, né Petro alafe wɔ asraafoɛ nyɔ afia. Né bafa ngɔnzɔngɔnzɔ nyɔ bagua ye ne asraafoɛ nyɔ ne; yeɛ afei né asraafoɛ ne bie koso gyigyi anoa ne si bɛwɛne kuku nu ne.

Asomafoɛ 21:33

Asraafoɛ panyi ne ɔɔsɔle Pɔɔlo nu na ɔmaa bɛfale ngɔnzɔngɔnzɔ nyɔ beguale ye, na afei obisale bɛ kyɛ, “Na nwa ɛhe? Wayɔ nzu?”

Asomafoɛ 22:25

Na mmerɛ bɔ bɛ́fa nyamaa bɛ́kyekye Pɔɔlo ne, obisale asraafoɛ ɛyaa so panyi bɔ ogyi ye nwo berɛ ne kyɛ, “Aso mmeraa ma ate kyɛ ɛmɔkofi ebie bɔ ɔte Romanniɛ mbire wɔ aberɛ bɔ bellili ye dwirɛ bebbuale ye foɛ ɔ?”

Asomafoɛ 22:29

Na berɛ ne ala, bɛ bɔ ahaa bɛbaatie ye noa dwirɛ ne, bɛhwene bɛ nwo befili ye nwo berɛ; na safohene ne koso nwuni kyɛ Pɔɔlo te Romanniɛ ná koso wakyekye ye nen, osurole.

Asomafoɛ 24:27

Afoɛ nyɔ asi ne, Pɔkio Festo sili amrado Felise gya nu. Né Felise pena kyɛ ɔyɔ nikyee ma Yudafoɛ ne nye sɔ, yiti ɔmaa Pɔɔlo hale kuku nu berɛ.

Asomafoɛ 28:20

Na ɛhe ati yeɛ ɔmaa ndole me sa mvrɛle ɛmɔ kyɛ me ne ɛmɔ yɛbaali ngɔmɔ ɔ, ofikyɛ ɔnate Yisrael anyelasoɛ ti yeɛ bagua me ngɔnzɔngɔnzɔ ye.”

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

Asomafoɛ 9:2

ɔɔsrɛle ye berɛ tumi krataa, bɔ ɔkɔfa kɔhɔ Damasko nyianu sua nemɔ nu, kyɛbɔ ɔkɔyɛ na onwu ebiala bɔ ɔnate Awurade nwo gyidie atee so a, bienzua oo, brasua oo, wahora wahye ye, ná wafa ye wawa Yerusalem.

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

2 Timoteo 2:9

nzɛmba ne bɔ yiti yeɛ menwu amaneɛ ná babɔ me panwu kyɛ wudiniɛ ne; nakoso Nyameɛ dwirɛ ne de, bɛbbɔle ye panwu.

Hebrifoɛ 13:3

Ɛ́mɔkaye kukunufoɛ, kyɛ ebiaa ɛmɔ ne bɛ yeɛ begua kuku nu ɔ; ɔne bɛ bɔ benwu amaneɛ, kyɛ ebiaa ɛmɔ ne bɛ yeɛ benwu amaneɛ ne ɔ.

Maenbulɛfoɛ 15:12

Yudafoɛ sele ye kyɛ, “Yawa kyɛ yɛbaahye wɔ, ná yɛfa wɔ yɛkowura Filistifoɛ sa.” Na Samson buale bɛ kyɛ, “Ɛ́mɔta ndaen kyɛ ɛmɔ bɔbɔ ɛmɔngohu me.”